شىمكەنتتە 6 ەمحانا، 1 پەرزەنتحانا سالىنباق

575
Adyrna.kz Telegram

«اباي اۋدانىنا قاراستى 34 ەلدى مەكەننىڭ 33-ءى ساپالى اۋىزسۋمەن قامتىلعان. ال، ەلەكتر جارىعى 31 ەلدى مەكەندە تولىق جۇرگىزىلگەن. جىل سوڭىنا دەيىن اباي اۋدانىنا قاراستى ەلدى مەكەندەردى 100 پايىز اۋىز سۋمەن جانە ەلەكتر جارىعىمەن قامتۋ كوزدەلىپ وتىر». بۇل تۋرالى بۇگىن شىمكەنت قالاسى ءماسليحاتىنىڭ كەزەكتى جيىرما ءبىرىنشى سەسسياسىندا اباي اۋدانىنىڭ اكىمى ب.پارمانوۆ مالىمدەدى.

سەسسيادا شىمكەنت قالاسى ءماسليحاتىنىڭ دەپۋتاتتارى كۇن تارتىبىندەگى 22 ماسەلەنى قاراپ، ءتيىستى شەشىمدەردى قابىلدادى. شىمكەنت قالاسى اكىمىنىڭ ورىنباسارى م.يساحوۆ قاتىسقان جيىنعا شىمكەنت قالالىق ءماسليحاتىنىڭ حاتشىسى ب.نارىمبەتوۆ توراعالىق ەتتى.
سەسسيا بارىسىندا «2022-2024 جىلدارعا ارنالعان شىمكەنت قالاسىنىڭ بيۋدجەتى تۋرالى» شىمكەنت قالاسى ءماسليحاتىنىڭ شەشىمىنە بىرقاتار وزگەرىستەر ەنگىزىلدى. سونىمەن قاتار، قالاعا قاراستى اباي، ءال-فارابي، ەڭبەكشى، قاراتاۋ اۋدانى اكىمدەرىنىڭ ەسەبى تىڭدالدى. ال، شىمكەنت قالالىق دەنساۋلىق ساقتاۋ باسقارماسىنىڭ باسشىسى ن.اسىلبەكوۆ سالانى دامىتۋ جوسپارىمەن تانىستىردى.
— شىمكەنت قالاسى بويىنشا 13 مەملەكەتتىك ەمحانا 600 مىڭنان استام تۇرعىنعا قىزمەت كورسەتسە، 31 جەكەمەنشىك ەمحانادا 507 مىڭ تىركەلگەن. الايدا، 2025 جىلعا دەيىن قالاعا 6 ەمحانا كەرەك دەپ قاراستىرىلىپ وتىر. بۇل ەمحانالاردىڭ قۇرىلىسىنا ينۆەستيتسيا تارتۋ جۇمىستارى جۇرگىزىلۋدە. سونىمەن قاتار، رەسپۋبليكالىق بيۋدجەت ەسەبىنەن 2025 جىلعا دەيىن 200 توسەك-ورىندى پەرزەنتحانا سالۋ ماسەلەسى دە قارالىپ جاتىر، - دەپ اتاپ ءوتتى قالانىڭ باس دارىگەرى.
سەسسيادا، سونداي-اق، «شىمكەنت قالاسى بويىنشا جەرلەۋدىڭ جانە زيراتتاردى كۇتىپ ۇستاۋ ءىسىن ۇيىمداستىرۋدىڭ قاعيدالارىن بەكىتۋ تۋرالى»، «شىمكەنت قالاسىندا جانۋارلاردى اۋلاۋدىڭ، ۋاقىتشا ۇستاۋدىڭ جانە جانسىزداندىرۋدىڭ قاعيدالارىن بەكىتۋ تۋرالى»، «شىمكەنت قالاسىنىڭ اۋماعىندا جانۋارلاردى اسىراۋ قاعيداسىن بەكىتۋ تۋرالى» شەشىمدەرگە وزگەرىستەر ەنگىزىلدى.
ايتا كەتەيىك، بۇل جولى سەسسياعا قاتىسقان 29 دەپۋتاتتىڭ 3-ءۋى ونلاين قاتىسۋ مۇمكىندىگىنە يە بولدى. الداعى سەسسيالاردا 5 دەپۋتاتقا دەيىن قاشىقتان قاتىسۋعا رۇقسات بەرىلمەك.

پىكىرلەر