شىمكەنت قالالىق جاستار رەسۋرستىق ورتالىعىندا «جاسىل ەل» ەڭبەك جاساقتارى ماۋسىمىنىڭ جابىلۋ سالتاناتى ءوتتى. شىمكەنت قالاسى ىشكى ساياسات جانە جاستار ىستەرى جونىندەگى باسقارماسىنىڭ باسشىسى مۇراتجان شوتانوۆ بيىلعى ماۋسىمدى قورىتىندىلاپ، جوبانىڭ ماڭىزىنا توقتالىپ ءوتتى.
– «جاسىل ەل» ەڭبەك جاساقتارى – ەل اۋماعىندا جاستاردى كەڭ اۋقىمدا قامتىعان جوبانىڭ ءبىرى. وسى جاستار قالانىڭ كوگالداندىرۋ جۇمىستارىنا بەلسەنە ارالاسىپ، الاڭداردا، ساياباقتاردا اباتتاندىرۋ جۇمىستارىن جۇرگىزدى. ەڭبەكتەرىڭىزگە العىسىمدى بىلدىرەمىن. جوبا ودان ءارى جالعاسىن تابادى، – دەدى باسقارما باسشىسى.
م.شوتانوۆ جوباعا بەلسەنە قاتىسىپ، قالانىڭ كوركەيۋىنە ۇلەس قوسقان جاستاردى العىس حاتپەن ماراپاتتادى.
«جاسىل ەل» ەڭبەك جاساقتارىنىڭ باستى ماقساتى – جاستاردى ىزەتتىلىككە، پاراساتتىلىققا باۋلۋ جانە دە بارىمىزگە ورتاق قالامىزدىڭ تازالىعى مەن مادەنيەتتىلىگىن ساقتاي وتىرىپ، وسى يگى ءىس-شارانى جاستار اراسىندا ناسيحاتتاۋ. قالانىڭ ستۋدەنت جاستارىنىڭ بوس ۋاقىتىن ءتيىمدى پايدالانۋ جانە جۇمىسسىز جاستاردىڭ سانىن ازايتۋ.
قالادا ەڭبەك جاساقتارىنىڭ بيىلعى ماۋسىمىندا 1313 جاس جۇمىسپەن قامتىلدى. جاستار قوزعالىسى الداعى ۋاقىتتا ءوز جالعاسىن تابادى.
«شىمكەنت كەلبەتى»
