Shymkent qalalyq jastar resýrstyq ortalyǵynda «Jasyl el» eńbek jasaqtary maýsymynyń jabylý saltanaty ótti. Shymkent qalasy ishki saıasat jáne jastar isteri jónindegi basqarmasynyń basshysy Muratjan Shotanov bıylǵy maýsymdy qorytyndylap, jobanyń mańyzyna toqtalyp ótti.
– «Jasyl el» eńbek jasaqtary – el aýmaǵynda jastardy keń aýqymda qamtyǵan jobanyń biri. Osy jastar qalanyń kógaldandyrý jumystaryna belsene aralasyp, alańdarda, saıabaqtarda abattandyrý jumystaryn júrgizdi. Eńbekterińizge alǵysymdy bildiremin. Joba odan ári jalǵasyn tabady, – dedi basqarma basshysy.
M.Shotanov jobaǵa belsene qatysyp, qalanyń kórkeıýine úles qosqan jastardy Alǵys hatpen marapattady.
«Jasyl el» eńbek jasaqtarynyń basty maqsaty – jastardy izettilikke, parasattylyqqa baýlý jáne de bárimizge ortaq qalamyzdyń tazalyǵy men mádenıettiligin saqtaı otyryp, osy ıgi is-sharany jastar arasynda nasıhattaý. Qalanyń stýdent jastarynyń bos ýaqytyn tıimdi paıdalaný jáne jumyssyz jastardyń sanyn azaıtý.
Qalada eńbek jasaqtarynyń bıylǵy maýsymynda 1313 jas jumyspen qamtyldy. Jastar qozǵalysy aldaǵy ýaqytta óz jalǵasyn tabady.
«Shymkent kelbeti»
