شىمكەنت قالاسىنىڭ اكىمى م.ايتەنوۆ قالاعا ىرگەلەس جاتقان توعىس تۇرعىن الابىنا بارىپ حالىقپەن كەزدەستى، ەلدى مەكەندە جاڭعىرتىلىپ جاتقان ينجەنەرلىك ينفراقۇرىلىم قۇرىلىسىن تەكسەردى.
قازىرگى تاڭدا مۇندا 7500-گە جۋىق حالىق تۇرادى. مەكتەپ، بالاباقشا، مادەنيەت ءۇيى، دارىگەرلىك امبۋلاتوريا، سپورت جانە بالالار ويىن الاڭشاسى، تاعى دا باسقا الەۋمەتتىك نىساندار قاراستىرىلعان.
الايدا اتقارىلۋعا ءتيىس ءبىرشاما جۇمىستار بار. سولاردىڭ ءبىرى - ۇڭعىما سالۋ. بۇل ءوز كەزەگىندە توعىس، ايناتاس، ەلتاي ەلدى مەكەنىندەگى 11 مىڭعا جۋىق حالىقتى اۋىز سۋمەن قامتاماسىز ەتۋگە سەپتىگىن تيگىزەدى. قازىرگى تاڭدا قۇرىلىس جۇمىستارى قارقىندى. توعىستان 73 مەترلىك سۋ ۇڭعىماسى قازىلىپ، بولات قۇبىرلار سالىنۋدا.
ايتا كەتەرلىگى، بۇل سۋ ۇڭعىماسى قوسىمشا ۇڭعىما رەتىندە جاز ايلارىندا قولدانۋ ءۇشىن كەرەك.
قالا اكىمى تەكسەرۋ بارىسىندا جۇمىستىڭ بەلگىلەنگەن مەرزىمىنەن كەشىكپەي، ساپالى ورىندالۋىنا كۇش سالۋىمىز قاجەت دەپ، جاۋاپتى مەكەمەلەردەن ناتيجەلى جۇمىس كورسەتۋىن تالاپ ەتتى.
جالپى توعىس جۇرتى اۋىز سۋدان تاپشىلىق كورمەگەن. قامتىلۋ كورسەتكىشى 98,5 % قۇرايدى.
سول سياقتى ەلەكتر جارىعىن تۇتىنۋشىلار دا 99%. بيىل 11 ابونەنتتى جارىقپەن قامتۋ ءۇشىن جاڭادان باعانالار ورناتىلىپ، ەلەكتر جەلىلەرى تارتىلدى.
تابيعي گازبەن قامتىلۋ كورسەتكىشى دە 98% قۇرايدى، تەك جاڭاقۇرىلىس اۋماعىنداعى 31 تۇتىنۋشىنىڭ ماسەلەسىن شەشۋ ءۇشىن كەلەسى جىلى جوبالىق سمەتالىق قۇجاتى ازىرلەنەدى.
مۇنداعى جولدارعا دا اسا نازار اۋدارىلۋدا. بىلتىر 2 كوشە “اقمايا”مەن “ايىرشىق” ورتاشا جوندەۋدەن وتسە، بيىل 4 كوشەگە اسفالت توسەلدى. جالپى مۇندا 18-كوشە بار.
سونىمەن قاتار وسى جىلى 2 كوشە “س.وسپانوۆ” جانە “مۇنايبارلاۋشىلار” كوشەسى جارىقتاندىرىلدى.
شىمكەنت قالاسى اكىمدىگىنىڭ ءباسپاسوز قىزمەتى
