Shymkent qalasynyń ákimi M.Áıtenov qalaǵa irgeles jatqan Toǵys turǵyn alabyna baryp halyqpen kezdesti, eldi mekende jańǵyrtylyp jatqan ınjenerlik ınfraqurylym qurylysyn tekserdi.
Qazirgi tańda munda 7500-ge jýyq halyq turady. Mektep, balabaqsha, mádenıet úıi, dárigerlik ambýlatorııa, sport jáne balalar oıyn alańshasy, taǵy da basqa áleýmettik nysandar qarastyrylǵan.
Alaıda atqarylýǵa tıis birshama jumystar bar. Solardyń biri - uńǵyma salý. Bul óz kezeginde Toǵys, Aınatas, Eltaı eldi mekenindegi 11 myńǵa jýyq halyqty aýyz sýmen qamtamasyz etýge septigin tıgizedi. Qazirgi tańda qurylys jumystary qarqyndy. Toǵystan 73 metrlik sý uńǵymasy qazylyp, bolat qubyrlar salynýda.
Aıta keterligi, bul sý uńǵymasy qosymsha uńǵyma retinde jaz aılarynda qoldaný úshin kerek.
Qala ákimi tekserý barysynda jumystyń belgilengen merziminen keshikpeı, sapaly oryndalýyna kúsh salýymyz qajet dep, jaýapty mekemelerden nátıjeli jumys kórsetýin talap etti.
Jalpy Toǵys jurty aýyz sýdan tapshylyq kórmegen. Qamtylý kórsetkishi 98,5 % quraıdy.
Sol sııaqty elektr jaryǵyn tutynýshylar da 99%. Bıyl 11 abonentti jaryqpen qamtý úshin jańadan baǵanalar ornatylyp, elektr jelileri tartyldy.
Tabıǵı gazben qamtylý kórsetkishi de 98% quraıdy, tek jańaqurylys aýmaǵyndaǵy 31 tutynýshynyń máselesin sheshý úshin kelesi jyly jobalyq smetalyq qujaty ázirlenedi.
Mundaǵy joldarǵa da asa nazar aýdarylýda. Byltyr 2 kóshe “Aqmaıa”men “Aıyrshyq” ortasha jóndeýden ótse, bıyl 4 kóshege asfalt tóseldi. Jalpy munda 18-kóshe bar.
Sonymen qatar osy jyly 2 kóshe “S.Ospanov” jáne “Munaıbarlaýshylar” kóshesi jaryqtandyryldy.
Shymkent qalasy ákimdiginiń baspasóz qyzmeti
