بۇگىن شىمكەنت قالاسىنىڭ اكىمى مۇرات ايتەنوۆتىڭ توراعالىعىمەن جىلۋ بەرۋ ماۋسىمىنا دايىندىق بويىنشا كەزەكتى جيىن ءوتتى.
«3-ەنەرگوورتالىق» اق-داعى 2 تۋربينا، 3 قازاندىق اعىمداعى، ترانفورماتورلار كۇردەلى جوندەۋدەن ءوتتى. قالعان 3 بويلەردى كۇردەلى جوندەۋ 82%، قوسالقى جابدىقتاردى اعىمداعى جوندەۋى 95%-عا ورىندالىپ، قالعان جۇمىستار 10 كۇن ىشىندە اياقتالادى.
«قۋاتجىلۋورتالىق-3» مكك-عا قاراستى 15 جىلۋ قازاندىقتىڭ 13-ءى دايىن. قالعان 2 قازاندىق دايىندىق ۇستىندە. 17 سورعى ستانسالاردان 15-ءى دايىن، قالعان ەكەۋىندە دايىندىق جۇمىستارى جۇرگىزىلۋدە.
جىلۋ جۇيەلەرىنىڭ توزۋ دەڭگەيىن تومەندەتۋ ماقساتىندا 19,4 كم جىلۋ جۇيەلەرىنە اعىمداعى جوندەۋ جۇرگىزىلىپ، بۇگىنگە دەيىن 97% ورىندالدى.
1987 كوپقاباتتى تۇرعىن ءۇيدىڭ 93,7% ياعني، 1863 ءۇي جىلىتۋ ماۋسىمىنا دايىن. 124 كوپقاباتتى تۇرعىن ۇيدە جۇمىستار جالعاسۋدا.
قالادا 484 بيۋدجەتتىك مەكەمە بار. ولار 99% دايىن.
قالا تۇرعىندارىنىڭ كومىرگە قاجەتتىلىگى 66 مىڭ توننا، بۇگىنگى كۇنگە دەيىن قالاعا 114,0 مىڭ توننا كومىر تاسىمالدانعان، قويمالاردا 25 مىڭ توننا كومىر قورى بار. ينفراقۇرىلىم جۇيەلەرىنىڭ دايىندىعى 90 پايىزدى قۇراپ وتىر.
قالا اكىمى م.ايتەنوۆ قىس مەزگىلىندە تۇراقتى جانە ساپالى جىلۋ بەرۋدىڭ ماڭىزدىلىعىنا توقتالىپ، ءتيىستى سالا باسشىلارىنا ەسەپتەگى ساندىق كورسەتكىشتەردى ءجىتى تەكسەرىپ، ىستەن شىعۋ قاۋىپى بار ناقتى نۇكتەلەردى انىقتاۋدى تاپسىردى.
اياقتالماعان كۇردەلى جوندەۋ جۇمىستارىن قاداعالاپ، قىركۇيەكتىڭ سوڭىنا دەيىن اياقتاۋدى جۇكتەدى.
