Búgin Shymkent qalasynyń ákimi Murat Áıtenovtiń tóraǵalyǵymen jylý berý maýsymyna daıyndyq boıynsha kezekti jıyn ótti.
«3-Energoortalyq» AQ-daǵy 2 týrbına, 3 qazandyq aǵymdaǵy, tranformatorlar kúrdeli jóndeýden ótti. Qalǵan 3 boılerdi kúrdeli jóndeý 82%, qosalqy jabdyqtardy aǵymdaǵy jóndeýi 95%-ǵa oryndalyp, qalǵan jumystar 10 kún ishinde aıaqtalady.
«Qýatjylýortalyq-3» MKK-ǵa qarasty 15 jylý qazandyqtyń 13-i daıyn. Qalǵan 2 qazandyq daıyndyq ústinde. 17 sorǵy stansalardan 15-i daıyn, qalǵan ekeýinde daıyndyq jumystary júrgizilýde.
Jylý júıeleriniń tozý deńgeıin tómendetý maqsatynda 19,4 km jylý júıelerine aǵymdaǵy jóndeý júrgizilip, búginge deıin 97% oryndaldy.
1987 kópqabatty turǵyn úıdiń 93,7% ıaǵnı, 1863 úı jylytý maýsymyna daıyn. 124 kópqabatty turǵyn úıde jumystar jalǵasýda.
Qalada 484 bıýdjettik mekeme bar. Olar 99% daıyn.
Qala turǵyndarynyń kómirge qajettiligi 66 myń tonna, búgingi kúnge deıin qalaǵa 114,0 myń tonna kómir tasymaldanǵan, qoımalarda 25 myń tonna kómir qory bar. Infraqurylym júıeleriniń daıyndyǵy 90 paıyzdy qurap otyr.
Qala ákimi M.Áıtenov qys mezgilinde turaqty jáne sapaly jylý berýdiń mańyzdylyǵyna toqtalyp, tıisti sala basshylaryna eseptegi sandyq kórsetkishterdi jiti tekserip, isten shyǵý qaýipi bar naqty núktelerdi anyqtaýdy tapsyrdy.
Aıaqtalmaǵan kúrdeli jóndeý jumystaryn qadaǵalap, qyrkúıektiń sońyna deıin aıaqtaýdy júktedi.
