ۇلتارالىق تاتۋلىق - بارلىق جەتىستىكتەردىڭ كىلتى

1157
Adyrna.kz Telegram

جاستاردىڭ ۇلتارالىق تاتۋلىق دەگەندى ۇعىنىپ، ۇلتتىق، قوعامدىق قۇندىلىقتاردىڭ باعاسىنا جەتە ءبىلىپ، زاڭعا باعىنۋى وتە ماڭىزدى. وسىعان وراي شىمكەنت قالاسى "جاستار رەسۋرستىق ورتالىعى" كمم-ءنىڭ ۇيىمداستىرۋىمەن جاستار اراسىندا ۇلتارالىق تاتۋلىق ماسەلەسىنە قاتىستى ءتۇرلى ءىس-شارالار وتكىزۋدى ءجيى ۇيىمداستىرىپ ءجۇر.

كەشە اتالمىش تاقىرىپ اياسىندا جاستار اراسىندا كەزدەسۋ ءوتتى. سونىمەن بىرگە پرەزيدەنتتىڭ حالىققا جولداۋى دا كەڭىنەن ناسيحاتتالدى. نەگىزگى ماقساتى- جاستار بويىندا ۇلتارالىق قاتىناس مادەنيەتىن قالىپتاستىرۋ، ادامگەرشىلىك، باسقالاردى قۇرمەتتەۋ سياقتى ادامي قاسيەتتەردى بويلارىنا ءسىڭىرۋ.

جاستارمەن كەزدەسۋگە شىمكەنت قالاسىنىڭ ءدىن ىستەرى باسقارماسى «ءدىن ماسەلەلەرىن زەرتتەۋ ورتالىعى» كمم-ءنىڭ تەولوگ مامانى امانكەلدى نۇرداۋلەت، شىمكەنت قالاسى ىشكى ساياسات جانە جاستار ىستەرى جونىندەگى باسقارماسىنىڭ "قوعامدىق كەلىسىم" كمم-ءنىڭ ەكسپەرتى جۇماباەۆا بالنۇر جانە مكقك م.وتەباەۆ اتىنداعى جوعارى جاڭا تەحنولوگيالار كوللەدجنىڭ ستۋدەنتتەرى قاتىستى.

جيىندا «جاستار اراسىندا ۇلتارالىق تاتۋلىق»،«جات اعىمداردىڭ سىرتقى كورىنىسىندەگى جانە مىنەزىندەگى وزگەشىلىكتەرى، ولاردىڭ الدىن الۋ جولدارى» اتتى تاقىرىپتا ءسوز قوزعالىپ، ونىڭ ءمان-ماعىناسى ءتۇسىندىرىلدى. حالىقتىڭ بىرلىگى - قازاقستاننىڭ بارلىق جەتىستىكتەرىنىڭ كىلتى ەكەندىگى ايتىلدى. ويتكەنى، ۇلتارالىق قاتىناس مادەنيەتى ۇلتتاردىڭ ايىرماشىلىعىنا، تىلىنە، سالت-ءداستۇر، ادەت-عۇرىپتارىنا قۇرمەتپەن قاراۋىنان باستالادى.

-بەيبىتشىلىك پەن تۇراقتىلىق - جالپى حالىقتىق جەتىستىك. كوزى اشىق، كوكىرەگى وياۋ جاستار مۇنى جاقسى تۇسىنەدى. سوندىقتان بۇگىنگى تاڭدا تاتۋلىقتى ساقتاپ، ۇيىپ وتىرعان بىرەگەي مەملەكەتىمىزدىڭ تىنىشتىعى مەن بەرەكەسىن ارتتىرۋ جولىندا قىزمەت ەتۋىمىز كەرەك -دەدى ۇيىمداستىرۋشىلار

جينالعاندار جاستار ماسەلەسىنە قاتىستى ناقتى ۇسىنىستارىن ايتىپ، قويىلعان سۇراقتارىنا تولىققاندى جاۋاپ الدى.

 

پىكىرلەر