Jastardyń ultaralyq tatýlyq degendi uǵynyp, ulttyq, qoǵamdyq qundylyqtardyń baǵasyna jete bilip, zańǵa baǵynýy óte mańyzdy. Osyǵan oraı Shymkent qalasy "Jastar resýrstyq ortalyǵy" KMM-niń uıymdastyrýymen jastar arasynda ultaralyq tatýlyq máselesine qatysty túrli is-sharalar ótkizýdi jıi uıymdastyryp júr.
Keshe atalmysh taqyryp aıasynda jastar arasynda kezdesý ótti. Sonymen birge Prezıdenttiń halyqqa Joldaýy da keńinen nasıhattaldy. Negizgi maqsaty- jastar boıynda ultaralyq qatynas mádenıetin qalyptastyrý, adamgershilik, basqalardy qurmetteý sııaqty adamı qasıetterdi boılaryna sińirý.
Jastarmen kezdesýge Shymkent qalasynyń din isteri basqarmasy «Din máselelerin zertteý ortalyǵy» KMM-niń teolog mamany Amankeldi Nurdáýlet, Shymkent qalasy Ishki saıasat jáne jastar isteri jónindegi basqarmasynyń "Qoǵamdyq kelisim" KMM-niń eksperti Jumabaeva Balnur jáne MKQK M.Ótebaev atyndaǵy joǵary jańa tehnologııalar kolledjniń stýdentteri qatysty.
Jıynda «Jastar arasynda ultaralyq tatýlyq»,«Jat aǵymdardyń syrtqy kórinisindegi jáne minezindegi ózgeshilikteri, olardyń aldyn alý joldary» atty taqyrypta sóz qozǵalyp, onyń mán-maǵynasy túsindirildi. Halyqtyń birligi - Qazaqstannyń barlyq jetistikteriniń kilti ekendigi aıtyldy. Óıtkeni, ultaralyq qatynas mádenıeti ulttardyń aıyrmashylyǵyna, tiline, salt-dástúr, ádet-ǵuryptaryna qurmetpen qaraýynan bastalady.
-Beıbitshilik pen turaqtylyq - jalpy halyqtyq jetistik. Kózi ashyq, kókiregi oıaý jastar muny jaqsy túsinedi. Sondyqtan búgingi tańda tatýlyqty saqtap, uıyp otyrǵan biregeı memleketimizdiń tynyshtyǵy men berekesin arttyrý jolynda qyzmet etýimiz kerek -dedi uıymdastyrýshylar
Jınalǵandar jastar máselesine qatysty naqty usynystaryn aıtyp, qoıylǵan suraqtaryna tolyqqandy jaýap aldy.
