پولشا اسكەريلەرى 10 قىركۇيەككە قاراعان ءتۇنى ءوز اۋماعىندا رەسەيگە تيەسىلى بىرنەشە دروندى اتىپ ءتۇسىردى. بۇل تۋرالى ەلدىڭ قارۋلى كۇشتەرىنىڭ باس قولباسشىلىعى حابارلادى، دەپ حابارلايدى "ادىرنا" ۇلتتىق پورتالى.
اسكەريلەردىڭ مالىمەتىنشە، رەسەي ۋكرايناعا جاپپاي درونمەن شابۋىل جاساعان ساتتە ۇشقىشسىز ۇشاقتار بىرنەشە رەت پولشانىڭ اۋە كەڭىستىگىن بۇزعان.
«رادارلار وننان استام نىساندى انىقتادى. ولاردىڭ ىشىندە قاۋىپ ءتوندىرۋى مۇمكىن دەگەن دروندار بەيتاراپتاندىرىلدى»، — دەلىنگەن رەسمي حابارلامادا.
بۇل وقيعا ناتو اۆياتسياسىنىڭ ءوز اۋماعىندا رەسەيلىك درونداردى جويۋ تاجىريبەسىن العاش رەت قولدانۋى بولىپ وتىر. دەگەنمەن، اليانس وكىلدەرى بولعان جايتتى تىكەلەي شابۋىل رەتىندە قاراستىرمايدى.
پولشا پرەمەر-ءمينيسترى دونالد تۋسك وقيعادان كەيىن ۇكىمەتتىڭ شۇعىل وتىرىسىن وتكىزدى. اسكەريلەر بولعان جاعدايدى «اگرەسسيا ارەكەتى» جانە «ماسشتابى جاعىنان بۇرىن-سوڭدى بولماعان اۋە كەڭىستىگىن بۇزۋ» دەپ اتادى.
