رەسەي مەملەكەتتىك دۋماسىندا جىنىستىق ساۋاتتىڭ ورنىنا وقۋشىلارعا اسكەري دايىندىقتى وقىتۋ قاجەت ەكەندىگى جايلى باستاما كوتەرىلدى. ۇسىنىستى وتباسى، ايەلدەر مەن بالالار كوميتەتىنىڭ باسشىسى نينا وستانينا ايتتى، دەپ حابارلايدى "ادىرنا" ۇلتتىق پورتالى "گازەتا.ru"-عا سىلتەمە جاساپ.
وستانينانىڭ سوزىنشە، اسكەري دايىندىقتى مەڭگەرگەن وقۋشىلار كوشەدە شاشىلىپ جاتقان مينانى قولىنا المايدى، بارلىق توسىن قاتەرگە دايىن بولادى.
"باستامانى قوس قولداپ قولدايمىن. وتە دۇرىس. ۋاقىتشا عانا ەمەس، اسكەري دايىندىقتى مەكتەپ ومىرىنە تۇبەگەيلى ەندىگۋ قاجەت. سوندا ءبىزدىڭ بالالار قارۋ ۇستاۋدى ۇيرەنە الادى. قىزدار بولسا، مەديبيكەلىك ماشىقتى دامىتسىن. ءبىزدىڭ بالالار بارلىعىنا دايىن بولۋى ءتيىس", - دەدى باسشى.
سونىمەن قاتار، ن. وستانينا قازىرگى رەسەيدىڭ اسكەري-cاياسي جاعدايىندا بالالاردىڭ قوي ۇستىنە بوزتورعاي جۇمىرتقالاعان كەزەڭمەن قوشتاسىپ، قاۋىپ-قاتەر وتىندە ءومىر سۇرۋگە بەيىمدەلۋى ءتيىس ەكەندىگىن ايتتى.
"بىلەسىزدەر مە؟ قازىرگى سۋىق سوعىس باتىس پەن ناتو-نىڭ ۇرلەۋىمەن ىسىدى. مەن مۇنىڭ ءتۇبى ءبىزدىڭ جەڭىسىمىزبەن اياقتالاتىنىنا سەنەمىن. ولار مى0تى رەسەيدىڭ بولعانىن قالامايدى. سوندىقتان بالالاردىڭ بىلىكتىلىگىن ارتتىرۋ كەرەك. ماسەلەن، كوشەدە بالامىز جاپىراق جيناپ ءجۇردى. جاپىراق دەگەن ۇمىتپەن قولىنا مينانى الدى. ءبىتتى. بالا جوق. جىنىستىق ساۋاتتى مەكتەپ باعدارلاماسىنا تاڭىپ قويمايدى. بىزگە اسكەري دايىندىقتى ۇيرەتۋ كەرەك. ۇلدار - ەر بولىپ، قىزدار - ايەل بولىپ تاربيەلەنىپ، ۇنەمى كومەككە كەلە الاتىنداي بولۋى كەرەك", دەدى كوميتەت ءتورايىمى.
"ادىرنا" ۇلتتىق پورتالى
