Reseı memlekettik dýmasynda jynystyq saýattyń ornyna oqýshylarǵa áskerı daıyndyqty oqytý qajet ekendigi jaıly bastama kóterildi. Usynysty otbasy, áıelder men balalar komıtetiniń basshysy Nına Ostanına aıtty, dep habarlaıdy "Adyrna" ulttyq portaly "Gazeta.ru"-ǵa silteme jasap.
Ostanınanyń sózinshe, áskerı daıyndyqty meńgergen oqýshylar kóshede shashylyp jatqan mınany qolyna almaıdy, barlyq tosyn qaterge daıyn bolady.
"Bastamany qos qoldap qoldaımyn. Óte durys. Ýaqytsha ǵana emes, áskerı daıyndyqty mektep ómirine túbegeıli endigý qajet. Sonda bizdiń balalar qarý ustaýdy úırene alady. Qyzdar bolsa, medıbıkelik mashyqty damytsyn. Bizdiń balalar barlyǵyna daıyn bolýy tıis", - dedi basshy.
Sonymen qatar, N. Ostanına qazirgi Reseıdiń áskerı-caıası jaǵdaıynda balalardyń qoı ústine boztorǵaı jumyrtqalaǵan kezeńmen qoshtasyp, qaýip-qater ótinde ómir súrýge beıimdelýi tıis ekendigin aıtty.
"Bilesizder me? Qazirgi sýyq soǵys Batys pen NATO-nyń úrleýimen ysydy. Men munyń túbi bizdiń jeńisimizben aıaqtalatynyna senemin. Olar my0ty Reseıdiń bolǵanyn qalamaıdy. Sondyqtan balalardyń biliktiligin arttyrý kerek. Máselen, kóshede balamyz japyraq jınap júrdi. Japyraq degen úmitpen qolyna mınany aldy. Bitti. Bala joq. Jynystyq saýatty mektep baǵdarlamasyna tańyp qoımaıdy. Bizge áskerı daıyndyqty úıretý kerek. Uldar - er bolyp, qyzdar - áıel bolyp tárbıelenip, únemi kómekke kele alatyndaı bolýy kerek", dedi komıtet tóraıymy.
"Adyrna" ulttyq portaly
