قازاقستان ارقىلى رەسەيگە سمارتفوندار جەتكىزىلە باستادى. بۇل تۋرالى رەسەيلىك باق جازىپ جاتىر، دەپ حابارلايدى “ادىرنا” ۇلتتىق پورتالى.
سوڭعى ايلاردا ءوز ونىمدەرىن رەسەيگە ساتۋعا نيەت بىلدىرگەن كەيبىر سمارتفون، پلانشەت جانە نوۋتبۋك وندىرۋشىلەرى قازاقستاندا ولاردىڭ ەۋرازيالىق ەكونوميكالىق وداق (ەاەو) اۋماعىنا اكەلىنگەنى تۋرالى حابارلامالاردى تىركەي باستاعان.
“اڭگىمە حابارلاما – رەسەيدە فەدەرالدىق قاۋىپسىزدىك قىزمەتىندە، ال قازاقستاندا – ۇلتتىق قاۋىپسىزدىك كوميتەتىندە تىركەلگەن قۇجات تۋرالى بولىپ وتىر. ول ەاەو-عا كريپتوگرافيا جانە شيفرلاۋ ەلەمەنتتەرى بار تاۋارلاردى اكەلۋ ءۇشىن قاجەت”، دەپ حابارلادى ربك ەۋرازيالىق ەكونوميكالىق كوميسسيانىڭ حابارلامالارى تۋرالى.
ونىڭ ايتۋىنشا، پاندەميا باستالعاننان بەرى فسب-عا حابارلامالار بەرۋ مەرزىمدەرى ايتارلىقتاي ۇلعايعان.
“قازاقستاندا كومپانيالار ۇلتتىق قاۋىپسىزدىك كوميتەتى ارقىلى حابارلاما الا الادى. رەسەي قازاقستانمەن بىرگە ەۋرازيالىق ەكونوميكالىق وداققا (ەاەو) مۇشە. وندا حابارلاندىرۋدىڭ قايسىسى بەرىلگەنىنە قاراماستان، وعان كىرەتىن بارلىق ەلدەرگە قۇرىلعىلاردى يمپورتتاۋعا بولاتىن ەرەجە بار”،- دەپ جازادى Cnews.
ال Gazeta.ru سايتىنىڭ حابارلاۋىنشا، رەسەيدىڭ ءىرى دۇكەندەرىندە ورتاشا ساناتتاعى سمارتفونداردىڭ باعاسى كۇرت كوتەرىلگەن. بۇل اسىرەسە قازاقستان ارقىلى اكەلىنەتىن گادجەتتەرگە قاتىستى. قازاقستان ارقىلى گادجەتتەردى جەتكىزۋدى ۇيىمداستىرا باستاعان كومپانيالاردىڭ اراسىندا Huawei, Intel Corporation, Lenovo, Hewlett Packard جانە ت.ب. بار.
“ادىرنا” ۇلتتىق پورتالى
