«كاسىبي الەۋمەتتىك قىزمەتكەرلەردىڭ ۇلتتىق اليانسى» رەسپۋبليكالىق قوعامدىق بىرلەستىگى اتىنان پرەزيدەنتتىككە كانديدات رەتىندە كوپبالالى انا قاراقات ابدەن ۇسىنىلدى. بۇل تۋرالى بىرلەستىكتىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
2022 جىلعى 7 قازاندا استانا قالاسىندا «كاسىبي الەۋمەتتىك قىزمەتكەرلەردىڭ ۇلتتىق اليانسى» رەسپۋبليكالىق قوعامدىق بىرلەستىگىنىڭ جالپى جينالىسى وتكەن.
“شارا بارىسىندا «كاسىبي الەۋمەتتىك قىزمەتكەرلەردىڭ ۇلتتىق اليانسى» رقب-نىڭ ماقساتتارى مەن مىندەتتەرىنە قول جەتكىزۋ جانە ىلگەرىلەتۋ، سونداي-اق رەسپۋبليكالىق دەڭگەيدە ازاماتتاردىڭ وسال توپتارىنىڭ ماسەلەلەرىن جەتكىزۋ جانە مۇددەلەرىن قورعاۋ ماقساتىندا ابدەن قاراقات جاقسىلىققىزى قازاقستان پرەزيدەنتىنىڭ كەزەكتەن تىس سايلاۋىنا پرەزيدەنتتىككە كانديدات رەتىندە ۇسىنىلدى”، - دەلىنگەن ءباسپاسوز حابارلاماسىندا.
ابدەن قاراقات جاقسىلىققىزى – 4 بالانىڭ اناسى، بەلگىلى قوعام قايراتكەرى، قازاقستان رەسپۋبليكاسى پرەزيدەنتى جانىنداعى ايەلدەر جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەسى، استانا قالاسى اكىمىنىڭ الەۋمەتتىك ماسەلەلەر جونىندەگى شتاتتان تىس كەڭەسشىسى، ەلوردانىڭ قوعامدىق كەڭەسىنىڭ مۇشەسى. قازاقستان رەسپۋبليكاسى اقمولا وبلىسىنىڭ تۋماسى، 1974 جىلى دۇنيەگە كەلگەن.
مەملەكەتتىك لاۋازىمداردا، ونىڭ ىشىندە 10 جىلدان استام جۇمىس تاجىريبەسى سالىق كوميتەتىنىڭ ورتالىق اپپاراتىندا، قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىندا بار. استانا قالاسى ءماسليحاتىنىڭ VI شاقىرىلىمىنىڭ دەپۋتاتى بولدى.
سابيلەر ءۇيى مەن بالالار ءۇيىنىڭ قامقورشىلىق كەڭەسىنىڭ مۇشەسى، بالالار ءۇيىنىڭ 15 تاربيەلەنۋشىسىنىڭ مەنتورى جانە تالىمگەرى.
”ادىرنا” ۇلتتىق پورتالى
