پولشا ازاماتشاسى باللي ماجەتس قازاقستان پرەزيدەنتتىگىنە ۇمىتكەر بولۋعا تالپىنۋدا. بۇل تۋرالى ورتالىق سايلاۋ كوميسسياسى مالىمدەدى، دەپ حابارلايدى “ادىرنا” ۇلتتىق پورتالى.
«پولشا ازاماتشاسى باللي ماجەتس قازاقستان رەسپۋبليكاسى پرەزيدەنتتىگىنە كانديدات رەتىندە قاتىسۋ نيەتى تۋرالى وتىنىشپەن قازاقستان رەسپۋبليكاسىنىڭ ورتالىق سايلاۋ كوميسسياسىنا بىرنەشە رەت جۇگىنگەن»، - دەلىنگەن جەكسەنبى كۇنى تاراتقان حابارلامادا.
وعان رەسپۋبليكا كونستيتۋتسياسىنىڭ 41-بابىنىڭ 2-تارماعىنا سايكەس قىرىق جاسقا تولعان، مەملەكەتتىك ءتىلدى جەتىك مەڭگەرگەن، سوڭعى ون بەس جىلدا قازاقستاندا تۇراتىن، جوعارى ءبىلىمى بار رەسپۋبليكا ازاماتى پرەزيدەنت بولىپ سايلانا الاتىنى ءتۇسىندىرىلدى.
ازاماتتىڭ مەملەكەتتىك قىزمەتتە نەمەسە سايلانبالى مەملەكەتتىك قىزمەتتە كەمىندە بەس جىل تاجىريبەسى بولۋى جانە بەلسەندى سايلاۋ قۇقىعى بولۋى ءتيىس.
كونستيتۋتسيالىق زاڭدا رەسپۋبليكا پرەزيدەنتتىگىنە كانديداتتارعا قوسىمشا تالاپتار بەلگىلەنۋى مۇمكىن.
ازاتتىق راديوسىنىڭ حابارلاۋىنشا، 2017 جىلى بەلسەندى قازاقستان بيلىگىنەن ەلدە قالۋىنا رۇقسات بەرۋىن سۇراعان. سونداي-اق، ول 2015 جىلعى سايلاۋدا پولشا پرەزيدەنتتىگىنە ۇمىتكەر بولعان جانە كەيبىر قازاقستاندىق ساياسي تۇتقىنداردى قولدايتىن ارەكەتتەرىمەن تانىمال.
”ادىرنا” ۇلتتىق پورتالى
