«Käsıbi äleumettık qyzmetkerlerdıŋ ūlttyq aliansy» respublikalyq qoǧamdyq bırlestıgı atynan prezidenttıkke kandidat retınde köpbalaly ana Qaraqat Äbden ūsynyldy. Būl turaly bırlestıktıŋ baspasöz qyzmetı mälımdedı, dep habarlaidy “Adyrna” ūlttyq portaly.
2022 jylǧy 7 qazanda Astana qalasynda «Käsıbi äleumettık qyzmetkerlerdıŋ ūlttyq aliansy» respublikalyq qoǧamdyq bırlestıgınıŋ jalpy jinalysy ötken.
“Şara barysynda «Käsıbi äleumettık qyzmetkerlerdıŋ ūlttyq aliansy» RQB-nyŋ maqsattary men mındetterıne qol jetkızu jäne ılgerıletu, sondai-aq respublikalyq deŋgeide azamattardyŋ osal toptarynyŋ mäselelerın jetkızu jäne müddelerın qorǧau maqsatynda Äbden Qaraqat Jaqsylyqqyzy Qazaqstan prezidentınıŋ kezekten tys sailauyna prezidenttıkke kandidat retınde ūsynyldy”, - delıngen baspasöz habarlamasynda.Äbden Qaraqat Jaqsylyqqyzy – 4 balanyŋ anasy, belgılı qoǧam qairatkerı, Qazaqstan Respublikasy Prezidentı janyndaǧy Äielder jäne otbasylyq-demografiialyq saiasat jönındegı ūlttyq komissiianyŋ müşesı, Astana qalasy äkımınıŋ äleumettık mäseleler jönındegı ştattan tys keŋesşısı, elordanyŋ qoǧamdyq keŋesınıŋ müşesı. Qazaqstan Respublikasy Aqmola oblysynyŋ tumasy, 1974 jyly düniege kelgen. Memlekettık lauazymdarda, onyŋ ışınde 10 jyldan astam jūmys täjıribesı Salyq komitetınıŋ ortalyq apparatynda, Qazaqstan Respublikasy Prezidentınıŋ janyndaǧy Memlekettık basqaru akademiiasynda bar. Astana qalasy mäslihatynyŋ VI şaqyrylymynyŋ deputaty boldy. Säbiler üiı men Balalar üiınıŋ Qamqorşylyq keŋesınıŋ müşesı, balalar üiınıŋ 15 tärbielenuşısınıŋ mentory jäne tälımgerı.
”Adyrna” ūlttyq portaly
Ūqsas jaŋalyqtar
