وتكەندە ءماجىلىس دەپۋتاتى قاراقات ابدەن شەتەلدىككە تۇرمىسقا شىققان قىزدارعا سالىق سالۋ تۋرالى باستاما كوتەرگەن ەدى. بۇل ۇسىنىسقا قاتىستى ۇكىمەت باسشىسىنىڭ ورىنباسارى پىكىر ءبىلدىردى، دەپ حابارلايدى "ادىرنا" ۇلتتىق پورتالى اstanatv.kz-كە سىلتەمە كورسەتە وتىرىپ.
پرەمەر-ءمينيستردىڭ ورىنباسارى ءارى قارجى ءمينيسترى ەرۇلان جاماۋباەۆ بۇل باستامادان بەيحابار ەكەندىگىن ايتىپ، مۇنداي تاجىريبەنىڭ الەم ەلدەرىندە بار ەكەنىن مالىمدەدى. رەسمي تۇردە ۇسىنىس تۇسكەن جاعدايدا شەتەل اسقاندارعا سالىق سالۋ ماسەلەسى قاراستىرىلاتىنىن حابارلادى.
"ۇمىتپاسام، كەيبىر ەلدەردە بۇل (شەتەلدىكتەرمەن نەكەگە تۇرۋ سالىعى - ەسك.) تاجىريبەدەن وتكىزىلىپ جاتىر. سوندىقتان زەرتتەيمىز، مۇنداي ۇسىنىس تۇسسە قاراستىرامىز. بىراق بۇل ءالى تالقىلانبادى", - دەپ جاۋاپ بەردى جاماۋباەۆ.
ءبىر كەزدە پرەزيدەنت سايلاۋىنا كانديدات بولعان دەپۋتات قاراقات ابدەننىڭ دەگەنى قوعامدا قىزۋ تالقىلاۋ تۋدىرعان.
"ادىرنا" ۇلتتىق پورتالى
