شىمكەنت قالاسىنىڭ سايرام تۇرعىن الابىندا قر پرەزيدەنتىنىڭ جولداۋىن جۇزەگە اسىرۋ، ءتۇسىندىرۋ بويىنشا اقساقالدارمەن كەزدەسۋ ءوتتى. ءىس-شارانى «امانات» پارتياسى شىمكەنت قالاسى قاراتاۋ اۋداندىق فيليالى ۇيىمداستىردى.
ساياساتتانۋشى، م.اۋەزوۆ اتىنداعى وقۋ «ساياساتتانۋ» كافەدراسىنىڭ مەڭگەرۋشىسى ساكەن ماجىنبەكوۆ جولداۋداعى باسىم باعىتتاردى، مەملەكەتتىك باسقارۋ سالاسى، جاڭا ەكونوميكالىق ساياسات، كاسىپكەرلىكتى دامىتۋداعى جاڭا وزگەرىستەردى اتاپ بەردى.
ساكەن ارالبايۇلى ەندىگى رەتتە قايتا وڭدەۋ ءوندىرىسى، ادامي كاپيتالدى دامىتۋ، سانالى ۇرپاق تاربيەلەۋگە نازار اۋدارۋ قاجەتتىگىن ايتىپ، ءوز ويلارىمەن ءبولىستى.
– قازىر نارىق زامانى. ءار ادام ءوزىن دامىتىپ، باسەكەگە قابىلەتتى بولسا عانا، جەتىستىككە جەتەدى. بۇگىندە كاسىپپەن اينالىسۋعا، سانالى ۇرپاق تاربيەلەۋدە بارلىق مۇمكىندىك بار. پرەزيدەنت جولداۋىنىڭ ءون بويى ەكونوميكالىق ماسەلەلەرگە ارنالعان. حالىقتىڭ ءال-اۋقاتىن كوتەرۋ، بارىنشا حالىققا جاعداي جاساۋ كوزدەلىپ وتىر. ۇلت قۋاتتى بولسا، ۇلت ساپاسىن جاقسارتا الساق، قوعام ورنىقتى داميدى، – دەدى س.ماجىنبەكوۆ.
ەل بىرلىگى – ەڭ باستى قۇندىلىق. قازىرگى جاھاندانۋ داۋىرىندە ۇلت بولىپ ۇيىسۋدىڭ وزەكتىلىگى ارتا ءتۇستى. سايرام تۇرعىن الابىنىڭ توبە بيلەرى، تۇرعىندارى جولداۋدى جۇزەگە اسىرۋدا بىرلەسە ۇيىمشىلدىق تانىتۋعا شاقىردى.
