ۇلتتىق قاۋىپسىزدىك كوميتەتى باسشىسىنىڭ بۇرىنعى ورىنباسارى تالعات مۇقانوۆ قاماۋعا الىندى، دەپ حابارلايدى "ادىرنا" ۇلتتىق پورتالى.
قازىرگى تەرگەۋ ىسىمەن سىبايلاس جەمقورلىققا قارسى ءىس-قيمىل اگەنتتىگى اينالىسىپ جاتىر. "Orda.kz" اقپاراتتىق پورتالىنىڭ حابارلاۋىنشا، تالعات مۇقانوۆ الاياقتىققا قاتىستى بار دەگەن كۇددىككە ىلىنگەن.
«2022 جىلعى 5 قازاندا تالعات مۇقانوۆ سوت قاۋلىسىمەن ەكى اي مەرزىمگە قاماۋعا الىندى. قر قىلمىستىق-پروتسەستىك كودەكسiنىڭ 201-بابىنا سايكەس باسقا اقپارات جاريا ەتىلمەيدى»، - دەپ حابارلادى ۆەدومستۆونىڭ ءباسپاسوز قىزمەتى.
سوت جۇيەسى تۋرالى جازاتىن جۋرناليست ميحايل كوزاچكوۆ بۇل تەرگەۋدىڭ ءبىر ۇشى قالانىڭ ەكس-اكىمى باۋىرجان بايبەككە كەلىپ ءتيۋى مۇمكىن ەكەنىن حابارلادى.
"تەرگەۋ نۇسقاسىنا ساي، ەكس-شەنەۋنىك پەن بىرنەشە ادام (ولاردىڭ اراسىندا قايرات قۇدايبەرگەننىڭ باۋىرى دارحان بار) ۆيكتور حراپۋنوۆتىڭ تاركىلەنگەن مۇلكىن تومەندەتىلگەن باعامەن ساتۋعا اتسالىسقان. بىراق بىردەن ايتىپ كەتۋ كەرەك، بايبەك كۇدىكتى رەتىندە تانىلماعان، ودان جاۋاپ الىنباعان دا. ونى ىستەۋ دە قيىن، ويتكەنى بۇرىنعى اكىم قازىر ەلدە ەمەس. ايتپاقشى باۋىرجان قادىرعاليۇلىنىڭ ۇلدارى مينيستر ساياسات نۇربەكتىڭ بالالارى وقيتىن سولتۇستىك كيپردەگى مەكتەپتە وقيدى. سونىمەن قاتار ەلدە دارحان قۇدايبەرگەن دە جوق. سوندىقتان تەرگەۋ ناتيجەسى نەگىزگى فيگۋرانتتارسىز قايدا اپاراتىنىن باقىلاۋ قىزىق بولىپ تۇر", - دەپ جازادى جۋرناليست Kozachkow ءوزىنىڭ تەلەگرام-كانالىندا.
"ادىرنا" ۇلتتىق پورتالى
