Ulttyq qaýipsizdik komıteti basshysynyń burynǵy orynbasary Talǵat Muqanov qamaýǵa alyndy, dep habarlaıdy "Adyrna" ulttyq portaly.
Qazirgi tergeý isimen sybaılas jemqorlyqqa qarsy is-qımyl agenttigi aınalysyp jatyr. "Orda.kz" aqparattyq portalynyń habarlaýynsha, Talǵat Muqanov alaıaqtyqqa qatysty bar degen kúddikke ilingen.
«2022 jylǵy 5 qazanda Talǵat Muqanov sot qaýlysymen eki aı merzimge qamaýǵa alyndy. QR Qylmystyq-proestik kodeksiniń 201-babyna sáıkes basqa aqparat jarııa etilmeıdi», - dep habarlady vedomstvonyń baspasóz qyzmeti.
Sot júıesi týraly jazatyn jýrnalıst Mıhaıl Kozachkov bul tergeýdiń bir ushy qalanyń eks-ákimi Baýyrjan Baıbekke kelip tııýi múmkin ekenin habarlady.
"Tergeý nusqasyna saı, eks-sheneýnik pen birneshe adam (olardyń arasynda Qaırat Qudaıbergenniń baýyry Darhan bar) Vıktor Hrapýnovtyń tárkilengen múlkin tómendetilgen baǵamen satýǵa atsalysqan. Biraq birden aıtyp ketý kerek, Baıbek kúdikti retinde tanylmaǵan, odan jaýap alynbaǵan da. Ony isteý de qıyn, óıtkeni burynǵy ákim qazir elde emes. Aıtpaqshy Baýyrjan Qadyrǵalıulynyń uldary mınıstr Saıasat Nurbektiń balalary oqıtyn soltústik Kıprdegi mektepte oqıdy. Sonymen qatar elde Darhan Qudaıbergen de joq. Sondyqtan tergeý nátıjesi negizgi fıgýranttarsyz qaıda aparatynyn baqylaý qyzyq bolyp tur", - dep jazady jýrnalıst Kozachkow óziniń telegram-kanalynda.
"Adyrna" ulttyq portaly
