Ūlttyq qauıpsızdık komitetı basşysynyŋ būrynǧy orynbasary Talǧat Mūqanov qamauǧa alyndy, dep habarlaidy "Adyrna" ūlttyq portaly.
Qazırgı tergeu ısımen sybailas jemqorlyqqa qarsy ıs-qimyl agenttıgı ainalysyp jatyr. "Orda.kz" aqparattyq portalynyŋ habarlauynşa, Talǧat Mūqanov alaiaqtyqqa qatysty bar degen küddıkke ılıngen.
«2022 jylǧy 5 qazanda Talǧat Mūqanov sot qaulysymen ekı ai merzımge qamauǧa alyndy. QR Qylmystyq-prosestık kodeksinıŋ 201-babyna säikes basqa aqparat jariia etılmeidı», - dep habarlady vedomstvonyŋ baspasöz qyzmetı.
Sot jüiesı turaly jazatyn jurnalist Mihail Kozachkov būl tergeudıŋ bır ūşy qalanyŋ eks-äkımı Bauyrjan Baibekke kelıp tiiuı mümkın ekenın habarlady.
"Tergeu nūsqasyna sai, eks-şeneunık pen bırneşe adam (olardyŋ arasynda Qairat Qūdaibergennıŋ bauyry Darhan bar) Viktor Hrapunovtyŋ tärkılengen mülkın tömendetılgen baǧamen satuǧa atsalysqan. Bıraq bırden aityp ketu kerek, Baibek küdıktı retınde tanylmaǧan, odan jauap alynbaǧan da. Ony ısteu de qiyn, öitkenı būrynǧy äkım qazır elde emes. Aitpaqşy Bauyrjan Qadyrǧaliūlynyŋ ūldary ministr Saiasat Nūrbektıŋ balalary oqityn soltüstık Kiprdegı mektepte oqidy. Sonymen qatar elde Darhan Qūdaibergen de joq. Sondyqtan tergeu nätijesı negızgı figuranttarsyz qaida aparatynyn baqylau qyzyq bolyp tūr", - dep jazady jurnalist Kozachkow özınıŋ telegram-kanalynda."Adyrna" ūlttyq portaly
Ūqsas jaŋalyqtar
