رەسەي فەدەراتسياسىنىڭ پرەزيدەنتى ۆلاديمير پۋتين ءوزىنىڭ 70 جىلدىق مەرەيتويىن پەتەربور قالاسىندا اتاپ وتەدى. سونىمەن قاتار، ءپۋتيننىڭ تۋعان كۇنىنە وراي تمد باسشىلارىمەن بەيرەسمي كەزدەسۋ وتەدى، دەپ حابارلادى رف پرەزيدەنتىنىڭ ءباسپاسوز حاتشىسى دميتري پەسكوۆ. بۇل حاقىندا "ادىرنا" ۇلتتىق پورتالى جازدى.
پەتەربور قالاسىنداعى وتەتىن تۋعان كۇنگە قازاقستان، وزبەكستان، ءازىربايجان، ارمەنيا، بەلورۋس، قىرعىزستان، مولداۆيا، تاجىكستان مەن تۇركىمەنستان باسشىلارى شاقىرىلعان. ازىرگە پرەزيدەنتتەردىڭ ەشبىرى ءىس-شاراعا باراتىنىن نە بارمايتىندىعىن رەسمي مالىمدەمەدى.
مەملەكەت باسشىلارىمەن بەيرەسمي كەزدەسۋ ءتۇس اۋا وتپەك.
"بۇل ءىس-شارانىڭ ماڭىزى زور. ءىس-شارا كەلەسى اپتادا بولاتىن ءسامميتتىڭ بەتاشارى ىسپەتتەس", - دەدى پەسكوۆ ءوز سوزىندە.
