ۋكراينا جازۋشىسى، تەلەجۇرگىزۋشى، جوعارعى ساناتتى دارىگەر ەۆگەني كوماروۆسكي رەسەيلىكتەرگە ماڭىزدى كەڭەس بەردى، دەپ حابارلايدى "ادىرنا" ۇلتتىق پورتالى.
"سۇم سوعىس ەكى ءجۇز مىڭ ادامنىڭ ءومىرىن جالماپ اكەتتى. ءار كاللادا ءبىر ارمان. جەتىسىپتى. ءسىز دە كۇيەۋىڭىزدى، ۇلىڭىزدى سوعىسقا اكەتپەۋ ءۇشىن بارىڭىزدى سالىڭىز. قۇداي-اۋ، تىم قۇرىسا، اياعىن سىندىرىڭىز، ۇرىسقا اتتانعانشا ۇيدە اقساپ ءجۇرسىن", - دەدى بالالار دارىگەرى.
سونىمەن قاتار، قوعام بەلسەندىسى رەسەيدە موبيليزاتسياعا قارسى جالپى قوزعالىستىڭ نەلىكتەن بولماي جاتقانىن حالقىنىڭ قارۋلى كۇشتەر قۇرساۋىندا ەكەندىگىمەن ءتۇسىندىردى. ايەلدەردى بۇعان توسقاۋىل بولۋعا شاقىردى. ولاردىڭ كۇيەۋلەرى باسشىسىن قورعاپ ءجۇرىپ، بالاسىنىڭ بولاشاعىن جوياتىنىن ەسكە سالدى.
"ولارمەن سويلەسىڭىز، كوندىرىڭىز. قاجەت بولسا، توسەك تارتىپ جاتىپ قالىڭىز. وسىنىڭ ءبارىن قورعاپ جۇرگەن توبەت بولۋدى دوعارىڭىزدار", -دەپ ءسوزىن جالعادى ەۆگەني كوماروۆسكي.
