Reseı federaııasynyń Prezıdenti Vladımır Pýtın óziniń 70 jyldyq mereıtoıyn Peterbor qalasynda atap ótedi. Sonymen qatar, Pýtınniń týǵan kúnine oraı TMD basshylarymen beıresmı kezdesý ótedi, dep habarlady RF Prezıdentiniń baspasóz hatshysy Dmıtrıı Peskov. Bul haqynda "Adyrna" ulttyq portaly jazdy.
Peterbor qalasyndaǵy ótetin týǵan kúnge Qazaqstan, Ózbekstan, Ázirbaıjan, Armenııa, Belorýs, Qyrǵyzstan, Moldavııa, Tájikstan men Túrkimenstan basshylary shaqyrylǵan. Ázirge prezıdentterdiń eshbiri is-sharaǵa baratynyn ne barmaıtyndyǵyn resmı málimdemedi.
Memleket basshylarymen beıresmı kezdesý tús aýa ótpek.
"Bul is-sharanyń mańyzy zor. Is-shara kelesi aptada bolatyn sammıttiń betashary ispettes", - dedi Peskov óz sózinde.
