قازاقستاننىڭ ادىلەتتى مەملەكەت بولۋىنىڭ نەگىزىن قۇراۋشى بۋىن – جاستار. سوندىقتان بولار مەملەكەت باسشىسى «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى جولداۋىندا جاستاردى قولدايتىن باستامالارعا كوبىرەك ءمان بەردى. بۇگىن شىمكەنت قالاسىنداعى جۇمابەك تاشەنوۆ ۋنيۆەرسيتەتىندە «امانات» پارتياسىنىڭ شىمكەنت قالالىق فيليالى اتقارۋشى حاتشىسىنىڭ ورىنباسارى ءمۇراتالى قالمۇراتوۆ ستۋدەنتتەرمەن كەزدەسۋىندە جولداۋدى جۇزەگە اسىرۋ توڭىرەگىندە پىكىرلەستى.
جولداۋىنىڭ ءۇشىنشى باعىتىندا جاس ۇرپاقتىڭ دەنساۋلىعىن نىعايتۋ، ساپالى ءبىلىم الۋى مەن جۇمىسپەن قامتۋ جانە جاس كاسىپكەرلەردى قولداۋ جونىندە ايتىلعان. كەزدەسۋ بارىسىندا ءمۇراتالى ورازالىۇلى مەملەكەت باسشىسى جاستارعا كوپ ءۇمىت ارتىپ وتىرعانىن، ادىلەتتى قوعام قۇرۋدا جاس بۋىننىڭ ءرولى ۇلكەن ەكەنىن جەتكىزدى.
–دامىعان ەلدەردىڭ تاريحىنا ۇڭىلسەڭىز الدىمەن جاستارعا كوبىرەك كوڭىل ءبولىپ، ولاردىڭ سانالى تاربيە مەن ساپالى ءبىلىم بەرۋدى قولعا العانىن بايقايمىز. پرەزيدەنتىمىز قاسىم-جومارت كەمەلۇلى جاڭا قازاقستاندى قۇرۋدا جاس بۋىنعا ءۇمىت ارتقانى جولداۋدا ايقىن كورىنىس تاپتى. قازىر جوعارى وقۋ ورنىن اياقتاعان جاس تۇلەكتەردى جۇمىسقا ورنالاسۋ ماسەلەسى الاڭداتاتىنى راس. جاستارعا جان-جاقتى قولداۋ مەملەكەتىمىزدىڭ باستى مىندەتتەرىنىڭ ءبىرى ەكەنىن ايتىپ، كەلەسى جىلى 100 مىڭ جاستىڭ جۇمىسپەن قامتىلاتىنىن جەتكىزدى. جاس كاسىپكەرلەرگە قولداۋ كورسەتۋ ماقساتىندا ولارعا جەڭىلدەتىلگەن تارتىپپەن 2,5 پايىز بولاتىن شاعىن نەسيە بەرىلەتىنىن مالىمدەدى. الداعى ۋاقىتتا ەلىمىزدەگى شاعىن بيزنەستە جاستاردىڭ تىڭ باستامالارىمەن جاڭا دەڭگەيگە كوتەرىلەتىنىنە نىق سەنىمدىمىن. بەرەكەلى قوعامنىڭ باستاۋى، ادىلەتتى مەملەكەتتىڭ نەگىزى دە جاستار، - دەدى ول.
ايتا كەتسەك، بۇگىندە جاستارمەن بىرلەسە پرەزيدەنت ق.توقاەۆتىڭ جولداۋىنداعى ماڭىزدى ماسەلەلەردى ىسكە اسىرۋ جونىندە ءتۇرلى ءىس-شارالار ۇيىمداستىرىلۋدا. مۇنداي پىكىرلەسۋ الاڭى قالا جاستارى اراسىندا مەملەكەت تاراپىنان جاسالاتىن مۇمكىندىكتەردى تەرەڭ ناسيحاتتاۋعا جول اشادى.
