ورالدا ساباق ۇستىندە كوز جۇمعان 10-سىنىپ وقۋشىسىنا قاتىستى تىڭ دەرەكتەر شىقتى، دەپ جازادى "ادىرنا" ۇلتتىق پورتالى.
AstanaTV حابارلاۋىنشا، مەكتەپ باسشىلىعى بالانىڭ بۇرىننان ناۋقاس ەكەنىن، ارنايى ەسەپتە تۇرعانىن ايتادى. ءبىرىنشى اۋىسىمدا وقيتىن 15 جاستاعى دانيال وزگە بالالارمەن بىرگە ساباق باستالعانشا دالىزدە جۇرگەن. كەيىن قوڭىراۋ سوعىلىپ، سىنىپقا كىردى دەيدى. بارلىعى ءوز ورىندارىنا جايعاسىپ، ساباققا دايىندالىپ جاتقان كەزدە جەتكىنشەك ەس-ءتۇسسىز قۇلاپ تۇسكەن كورىنەدى.
"جەدەل جاردەم شاقىرتتىق، مەديك شاقىرتتىق. سوسىن جاڭاعى اتا-اناسىنا حابارلاستىق، ءدارى ىشە مە دەپ، ماماسى قازىر كەلەمىن دەپ ايتتى. مەديك كەلگەنشە قاسىندا بولدىق. العاشقى جاردەم كورسەتتى. سوسىن مەديكتەر كەلگەسىن ءبىزدى شىعارىپ جىبەردى", - دەيدى ورال قالالىق №10 مەكتەپتىڭ مۇعالىمى نۇرگۇل تاڭاتاروۆا.
ماماندار 40 مينۋتتاي ەم-دوم جاساعان. بىراق بالانى اجالدان قۇتقارىپ قالا المادى. مەكتەپتەگىلەر دانيال ساباقتى جاقسى وقىعانىن، ۇلگىلى تارتىبىمەن كوزگە تۇسكەنىن ايتادى.
"وقۋشى بىزگە 20-مەكتەپتەن كەلگەن، بيىل قىركۇيەكتە كەلدى. ۋچەتتا تۇراتىن بالا. «پاراليچ رۆ» دەگەن دياگنوزبەن ۋچەتتا تۇرادى. اتا-اناسى جازدا قاراتقان، ەمىن العان. ءبىز بارىنشا كومەك كورسەتتىك العاشقى كومەكتى. كوزىنىڭ قاراشىعىن قارادىم. كوزى قىزارعان، جاساندى تىنىس الدىرىپ، جەدەل جاردەم كەلگەنشە سونداي كومەك كورسەتتىك", - دەيدى ورال قالالىق №10 مەكتەپتىڭ مەدبيكەسى نۇرگۇل بايعاناتوۆا.
"ادىرنا" ۇلتتىق پورتالى
