Oralda sabaq üstınde köz jūmǧan 10-synyp oquşysyna qatysty tyŋ derekter şyqty, dep jazady "Adyrna" ūlttyq portaly.
AstanaTV habarlauynşa, mektep basşylyǧy balanyŋ būrynnan nauqas ekenın, arnaiy esepte tūrǧanyn aitady. Bırınşı auysymda oqityn 15 jastaǧy Daniial özge balalarmen bırge sabaq bastalǧanşa dälızde jürgen. Keiın qoŋyrau soǧylyp, synypqa kırdı deidı. Barlyǧy öz oryndaryna jaiǧasyp, sabaqqa daiyndalyp jatqan kezde jetkınşek es-tüssız qūlap tüsken körınedı.
"Jedel järdem şaqyrttyq, medik şaqyrttyq. Sosyn jaŋaǧy ata-anasyna habarlastyq, därı ışe me dep, mamasy qazır kelemın dep aitty. Medik kelgenşe qasynda boldyq. Alǧaşqy järdem körsettı. Sosyn medikter kelgesın bızdı şyǧaryp jıberdı", - deidı Oral qalalyq №10 mekteptıŋ mūǧalımı Nūrgül Taŋatarova.Mamandar 40 minuttai em-dom jasaǧan. Bıraq balany ajaldan qūtqaryp qala almady. Mekteptegıler Daniial sabaqty jaqsy oqyǧanyn, ülgılı tärtıbımen közge tüskenın aitady.
"Oquşy bızge 20-mektepten kelgen, biyl qyrküiekte keldı. Uchetta tūratyn bala. «Paralich RV» degen diagnozben uchetta tūrady. Ata-anasy jazda qaratqan, emın alǧan. Bız barynşa kömek körsettık alǧaşqy kömektı. Közınıŋ qaraşyǧyn qaradym. Közı qyzarǧan, jasandy tynys aldyryp, jedel järdem kelgenşe sondai kömek körsettık", - deidı Oral qalalyq №10 mekteptıŋ medbikesı Nūrgül Baiǧanatova.
"Adyrna" ūlttyq portaly
