شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان 12 جىلدىڭ ىشىندە شەتەلدىكتەردىڭ قازاقستاننان 8 791 بالا اسىراپ العانىن ايتتى، دەپ حابارلايدى «ادىرنا» ءتىلشىسى.
«1999-2011 جىلدار ارالىعىندا شەتەلدىكتەر قازاقستاننان 8 791 بالانى اسىراپ العان، ونىڭ ىشىندە 6 421 بالا امەريكا اسىپ كەتكەن.
امەريكادا وقىپ جۇرگەندە ءتۇرلى ءىس-شارالار وتكىزىپ، قازاق بالالارىن امەريكالىق اتا-انالارىمەن شاقىراتىنبىز. ەلگە ورالعان سوڭ، بىرەر بالانى اتا-اناسىمەن قوناق ەتىپ جىبەردىك.
سول كەزدە ءبىر ويلاپ قويىپ ەدىم. جىل سايىن 200-300 بالانى ەلگە الدىرىپ، ون كۇن قىدىرتىپ، ەلمەن جاقىنداستىرىپ جىبەرسە… بالالار شەتەل ازاماتى بولعانىمەن، 8 791 بالا دەگەن قانشاما حالىق. دامىعان باتىس ەلدەرىندە ءوسىپ جاتىر. اراسىنان مىقتى عالىم، كاسىپكەر شىعادى… ەڭ بولماعاندا ارقايسىسى ەلىمىزدىڭ ەلشىلەرى»،—دەدى ول.
ايتۋىنشا، كۇن استىندا جۇرگەن ءاربىر ءتورتىنشى قازاق شەتەلدە تۇرادى.
«20 ملن قازاقتىڭ 5 ملن شەتەلدە تۇرادى دەپ ەسەپتەيمىز. زەرتتەۋگە دە، كورسەتۋگە دە ۇلكەن تاقىرىپ. جۋرناليستەر ءۇشىن بولاشاعى بار تاقىرىپ.
جانار بايسەمىزوۆا دوسىم وسىنى ەرتە ءتۇسىندى. 2009-2013 جىلدار ارالىعىندا ءتۇرلى تەلەارنالاردان ءتۇرلى اتاۋمەن شىققان “شەتەلدەگى قازاق بالالارى” ەفيرگە قايتا ورالدى. “جىبەك جولى” تەلەارناسىندا ءار جەكسەنبىدە 14-30-دە كورسەتىلەدى.
تارىداي شاشىلعان حالىقپىز. ء“ار قازاق مەنىڭ جالعىزىم” دەپ سابىر اقىن ايتقانداي، ءاربىر قازاقتى تۇگەندەپ جۇرەر كەز كەلگەي»،–دەپ ءسوزىن تولىقتىردى شىڭعىس مۇقان.
