Tesla كومپانياسى 2027 جىلدىڭ ورتاسىنا قاراي اقش-تىڭ تەحاس شتاتىنداعى زاۋىتىندا Cybertruck ەلەكتر پيكابىن شىعارۋدى توقتاتۋدى جوسپارلاپ وتىر، دەپ حابارلايدى "ادىرنا".
كومپانيا ءوندىرىس قۋاتىن Cybercab روبوتاكسيىن شىعارۋعا باعىتتاماق.
Tesla باسشىسى يلون ماسك Cybertruck-تى كومپانيا تاريحىنداعى ەڭ ۇزدىك كولىك دەپ اتاعان. ال ونىڭ ءوندىرىسىن توقتاتۋ تۋرالى شەشىمدى ء«بىر ءداۋىردىڭ اياقتالۋى» دەپ باعالاعان.
Tesla Cybertruck كولىكتەرىن تۇتىنۋشىلارعا 2023 جىلدىڭ سوڭىندا جەتكىزە باستادى. ول كەزدە يلون ماسك جىل سايىن 250 مىڭ دانا پيكاپ ساتىلادى دەپ بولجام جاساعان.
الايدا Kelley Blue Book دەرەگىنە سايكەس، 2025 جىلى اقش-تا 20 237 Cybertruck ساتىلعان. بۇل 2024 جىلعى كورسەتكىشتەن 48 پايىزعا تومەن. ول جىلى 38 965 كولىك ساتىلعان.
Aston Martin كومپانياسىنىڭ بۇرىنعى باس ديرەكتورى ەندي پالمەردىڭ پىكىرىنشە، ساتىلىم كولەمى جوسپارلانعان دەڭگەيگە جەتپەسە، ءوندىرىستى جالعاستىرۋدىڭ قاجەتى جوق.
Cybertruck پيكابى العاش رەت 2019 جىلى تانىستىرىلدى. توت باسپايتىن بولاتتان جاسالعان ەرەكشە كۋزوۆى كوپشىلىكتىڭ نازارىن اۋدارىپ، ءتۇرلى پىكىرتالاس تۋدىردى. تانىستىرىلىم كەزىندە كولىكتىڭ اينەگىنىڭ بەرىكتىگىن كورسەتۋ ءۇشىن مەتالل شار لاقتىرىلعاندا، ەكى اينەك تە جارىلىپ كەتكەن.
2023 جىلى جەتكىزىلىم باستالعان تۇستا يلون ماسك Cybertruck-تى Ford پەن General Motors كومپانيالارىنىڭ پيكاپتارىنا فۋتۋريستىك بالاما رەتىندە ۇسىنعان ەدى. بيىل Tesla سۇرانىستى ارتتىرۋ ماقساتىندا Cybertruck باعاسىن ەداۋىر تومەندەتكەن. الايدا بۇل قادام ساتىلىمدى كۇتكەن دەڭگەيگە جەتكىزە الماعان.
ايتا كەتەيىك، قازاقستاننىڭ تجم وسى كولىكتى ساتىپ العانى تۋرالى اقپارات تاراعان. مينيسترلىك دەرەكتى راستاپ، كولىكتى 120 ميلليون تەڭگە ساتىپ الىنعانىن حابارلادى. ول توتەنشە جاعداي كەزىندە ادام ءومىرىن ساقتاپ قالۋ ءۇشىن قاجەت ەكەنى اتالدى.
