رەسەيدىڭ حالىق ءارتىسى نيكولاي باسكوۆ ۋكراينا قورعانىس مينيسترلىگىنىڭ باس بارلاۋ باسقارماسى دەرەكتەر بازاسىنا ەنگىزىلدى، دەپ حابارلايدى "ادىرنا" ۇلتتىق پورتالى.
بۇل تۋرالى اتالعان بازانىڭ رەسمي پورتالىنداعى مالىمەتتەردە كورسەتىلگەن.
پورتال دەرەگىنشە، ءانشى رەسەيدىڭ ۋكرايناعا قاتىستى ساياساتىن قولدايدى. سونداي-اق ونىڭ ۆلاديمير پۋتين قۇرعان Putin Team قوزعالىسىنا قوسىلعانى، الەۋمەتتىك جەلىلەردە رەسەي پرەزيدەنتىنىڭ مەرەيتويىنا وراي قۇتتىقتاۋىن جاريالاعانى جانە رەسەيلىك اسكەري قىزمەتشىلەردى قولداۋعا ارنالعان ءىس-شارالارعا تۇراقتى تۇردە قاتىساتىنى ايتىلعان.
بۇدان بولەك، 2022 جىلعى جەلتوقساندا نيكولاي باسكوۆ رەسەي قارۋلى كۇشتەرىنىڭ قاجەتتىلىگىنە 1 ميلليون رۋبل اۋدارعان. ال 2024 جىلعى قاراشادا «گەرويام ناشەگو ۆرەمەني» جوباسىنىڭ اسكەري وپەراتسياعا قاتىسۋشىلار مەن ولاردىڭ وتباسىلارىن قولداۋعا ارنالعان قايىرىمدىلىق كونتسەرتىن جۇرگىزگەن.
ءانشى اسكەري قىزمەتشىلەر قوناق بولعان «گولۋبوي وگونەك» تەلەباعدارلاماسىنا دا قاتىسقان.
