Şymkent qalasy äkımınıŋ bırınşı orynbasary Şyŋǧys Mūqan 12 jyldyŋ ışınde şeteldıkterdıŋ Qazaqstannan 8 791 bala asyrap alǧanyn aitty, dep habarlaidy «Adyrna» tılşısı.
«1999-2011 jyldar aralyǧynda şeteldıkter Qazaqstannan 8 791 balany asyrap alǧan, onyŋ ışınde 6 421 bala Amerika asyp ketken. Amerikada oqyp jürgende türlı ıs-şaralar ötkızıp, qazaq balalaryn amerikalyq ata-analarymen şaqyratynbyz. Elge oralǧan soŋ, bırer balany ata-anasymen qonaq etıp jıberdık. Sol kezde bır oilap qoiyp edım. Jyl saiyn 200-300 balany elge aldyryp, on kün qydyrtyp, elmen jaqyndastyryp jıberse… Balalar şetel azamaty bolǧanymen, 8 791 bala degen qanşama halyq. Damyǧan batys elderınde ösıp jatyr. Arasynan myqty ǧalym, käsıpker şyǧady… Eŋ bolmaǧanda ärqaisysy elımızdıŋ elşılerı»,—dedı ol.Aituynşa, kün astynda jürgen ärbır törtınşı qazaq şetelde tūrady.
«20 mln qazaqtyŋ 5 mln şetelde tūrady dep esepteimız. Zertteuge de, körsetuge de ülken taqyryp. Jurnalister üşın bolaşaǧy bar taqyryp. Janar Baisemızova dosym osyny erte tüsındı. 2009-2013 jyldar aralyǧynda türlı telearnalardan türlı ataumen şyqqan “Şeteldegı qazaq balalary” efirge qaita oraldy. “Jıbek joly” telearnasynda är jeksenbıde 14-30-de körsetıledı. Tarydai şaşylǧan halyqpyz. “Är qazaq menıŋ jalǧyzym” dep Sabyr aqyn aitqandai, ärbır qazaqty tügendep jürer kez kelgei»,–dep sözın tolyqtyrdy Şyŋǧys Mūqan.
