بۇگىن الاشتىڭ ارداقتىسى - سۇڭقار ساكەننىڭ دۇنيە ەسىگىن اشقان كۇنى. وسى اتاۋلى كۇنگە وراي ەۋرازيا ۇلتتىق ۋنيۆەرسيتەتىنە قاراستى "الاش تانىمى" زياتكەرلىك كلۋبى ساكەننىڭ عۇمىرنامالىق جولىنان ماعلۇمات بەرەتىن استانا قالاسىندا ورنالاسقان ساكەن سەيفۋللين مۇراجايىنا بارىپ قايتتى.
ساكەننىڭ ءومىرى جانە مۇراجايداعى اقپاراتتار ينتەرنەت جەلىسىندە بار بولعان سوڭ ودان باسقا دا دۇنيەلەدى ايتقىم كەلىپ وتىر. كەز-كەلگەن اقپاراتتى ءبىلۋ - ءبىلىمنىڭ ەڭ تومەنگى دەڭگەيى. ءبىز بۇگىنگى قازاق قوعامىنداعى جاستار بۇل ەكسكۋرسيا ارقىلى اقپاراتتارمەن بەلگىلى دەڭگەيدە تانىسىپ بىلدىك. ەندى، سونى ءتۇسىنىپ، ساناعا ءسىڭىرىپ، قورىتىپ، وعان ءوزىمىز قوسا پىكىر ايتاتىن ارامىزدا ساكەندەردەي ويلى، ساكەندەردەي تۇلعا قالىپتاستىرساق دەگەن ۇلكەن نيەت بار. ەكسكۋرسيامىزدىڭ دا ءمانى سوندا بولاتىن. بۇگىن ءبىراز جاستاردىڭ جالىنىن، كوزدەرىندەگى ۇشقىنىن كوردىك. بۇل ساكەندەردىڭ ولمەگەنى، ساكەندەردىڭ جاساپ جاتقانىنىڭ ايعاعى دەپ بىلەمىز.
تاريحتا سىرى مەنەن سىزى قالعان،
وكىنىش ۇرپاق قالماۋ ۇلىلاردان.
قانىمەن جارالمادىق دەگەنمەنەن،
رۋحىنان جارالعان رۋح بىزدە قالعان.
ساكەندەر سۇرگەن ءومىر، قىلعان تىرلىك،
ءولۋ دە ءدال سولارشا بىزگە دە ارمان.
اجار قادىسقىزى،
ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى جانىنداعى
"الاش تانىمى" زياتكەرلىك كلۋبىنىڭ ءتورايىمى
