بيىل كەزەكتەن تىس پرەزيدەنت سايلاۋى وتكەنىن دۇرىس دەپ ويلايمىن. مەملەكەتىمىز ساياسي رەفورمالار باعىتىندا كوپتەگەن جاقسى ىستەردى باستاپ جاتىر.
ءبۇتىن ءبىر ەلدى، حالىقتى، اۋقىمدى جۇيەنى باسقارىپ وتىرۋ وڭاي ءىس ەمەس. الەم ەلدەرىندە قانداي جاعداي بولىپ جاتقانىن كورىپ وتىرمىز. گەوساياسي احۋال ۋشىقتى، الداعى جىلدارى تىپتەن كۇردەلەنۋى مۇمكىن. وسىنى ەسكەرسەك، پرەزيدەنت سايلاۋىن ەرتەرەك وتكىزۋدىڭ قاجەتتىلىگىن ۇعامىز.
وسى كۇنى مەملەكەت باسشىسى قاسىم-جومارت توقاەۆ شەت ەلدەرگە بارىپ، ەلىمىزدىڭ ءار سالاسىن دامىتۋدىڭ جولىندا كەلىسسوزدەر جاساپ، ەڭبەكتەنىپ ءجۇر. بۇنىڭ ءبارى بەكەر اتقارىلىپ جاتقان ءىس ەمەس. حالىقارالىق جاعدايدى بىلەدى، تاجىريبەسى جەتكىلىكتى.
سوندىقتان بۇل شەشىمدى الىستان وراعىتىپ، تەرەڭىنەن ويلانىپ، زەردەلەپ بارىپ قابىلداعانى انىق. وسىنداي ساياسي رەفورمالاردى جۇيەلى تۇردە جۇزەگە اسىرا بەرسەك، قازاقستاننىڭ بولاشاعى جارقىن بولارىنا سەنىم مول. ارينە، حالىقتىڭ ىشىندە كۇمان بولارى انىق.
ويتكەنى دامۋدىڭ جولى وڭاي ەمەس. قيىن جاعداي كۇندە كەزدەسەدى. ونى ەڭسەرىپ، مەملەكەتتىڭ كەلەشەگى ءۇشىن بارىنەن سۇرىنبەي ءوتۋىمىز – پارىز. بۇل تۇستا مەملەكەت بيلىگىنىڭ اتقارىپ وتىرعان ىستەرىن، ساياسي رەفورمالارىن قولدايمىن. كەلەشەكتىڭ قامىن بۇگىننەن ويلاعانىمىز ابزال.
ءسۇلتانالى بالعاباەۆ،
جازۋشى-دراماتۋرگ
