Bıyl kezekten tys prezıdent saılaýy ótkenin durys dep oılaımyn. Memleketimiz saıası reformalar baǵytynda kóptegen jaqsy isterdi bastap jatyr.
Bútin bir eldi, halyqty, aýqymdy júıeni basqaryp otyrý ońaı is emes. Álem elderinde qandaı jaǵdaı bolyp jatqanyn kórip otyrmyz. Geosaıası ahýal ýshyqty, aldaǵy jyldary tipten kúrdelenýi múmkin. Osyny eskersek, prezıdent saılaýyn erterek ótkizýdiń qajettiligin uǵamyz.
Osy kúni Memleket basshysy Qasym-Jomart Toqaev shet elderge baryp, elimizdiń ár salasyn damytýdyń jolynda kelissózder jasap, eńbektenip júr. Bunyń bári beker atqarylyp jatqan is emes. Halyqaralyq jaǵdaıdy biledi, tájirıbesi jetkilikti.
Sondyqtan bul sheshimdi alystan oraǵytyp, tereńinen oılanyp, zerdelep baryp qabyldaǵany anyq. Osyndaı saıası reformalardy júıeli túrde júzege asyra bersek, Qazaqstannyń bolashaǵy jarqyn bolaryna senim mol. Árıne, halyqtyń ishinde kúmán bolary anyq.
Óıtkeni damýdyń joly ońaı emes. Qıyn jaǵdaı kúnde kezdesedi. Ony eńserip, memlekettiń keleshegi úshin bárinen súrinbeı ótýimiz – paryz. Bul tusta memleket bıliginiń atqaryp otyrǵan isterin, saıası reformalaryn qoldaımyn. Keleshektiń qamyn búginnen oılaǵanymyz abzal.
Sultanáli BALǴABAEV,
jazýshy-dramatýrg
