وتكەن جىلدان بەرى رەسەيلىك 10 سپورتشى قازاقستان ازاماتتىعىن العان. بۇل تۋرالى «حولود» باسىلىمى جازدى، دەپ حابارلايدى «ادىرنا» ءتىلشىسى.
«قازاقستانعا 10 سپورتشى كوشىپ كەلىپ، ازاماتتىعىن اۋىستىرعان. ال 204 سپورتشى سپورتتىق ازاماتتىعىن وزگەرتكەن نەمەسە وزگەرتۋگە نيەتتى. بۇل كورسەتكىش سپورت ازاماتتىعىن وزگەرتۋ تۋرالى حابارلامالاردى، جارىسقا قاتىسۋشىلار تۋرالى اشىق دەرەكتەردى، سونداي-اق سپورت فەدەراتسيالارىنىڭ تىزىمدەرىن ساراپتاي وتىرىپ جاسالدى»،—دەلىنگەن حابارلامادا.
قازاقستان قۇراماسىنا اۋىسۋعا ءوتىنىش بىلدىرگەندەر قاتارىندا كونكيمەن جۇگىرۋدەن الەم چەمپيوناتىنىڭ التى دۇركىن قولا جۇلدەگەرى ەليزاۆەتا گولۋبەۆا مەن رەسەي چەمپيونى كريستينا سيلاەۆا دا بار.
