Ýkraına-Reseı arasyndaǵy soǵysqa ásker jasaqtaý bastalǵaly beri Qazaqstanǵa Reseı azamattary aǵylyp jatyr. Mobılızaııa salqynyna urynýdan qashqandardardyń deni Qazaqstanǵa kelýde. Soǵan oraı Reseı azamattaryna Qazaqstandaǵy jelgilikti etnıkalyq orys ultynyń ókili Vıktor Kalgın eskertý jasady, - dep habarlaıdy "Adyrna" ulttyq portaly.
- Cizder, aldymen, qazaqtardyń qonaqjaı ult ekenin uǵynýlaryńyz qajet. Biraq esikten kire tór meniki degendi qazaqtar unatpaıdy. Qazaqtyń mádenıetin, tilin, dilin syılańyzdar! Sizder qonaqta júrgenderińizdi, tek Qazaqstan zańynyń kúshi bar aımaqta júrgenderińizdi umytpańyzdar. Reseıdegi úırenshikti jaǵdaıdyń Qazaqstanda esh mańyzy bolmaýy múmkin. Qazaqstan - myńjyldyqtar úlesindegi tarıhy, mádenıeti bar bólek memleket. Qazaqta memleket bolmaǵan dep qusyqtaryńyzdy tókpes buryn, kezinde óz babalaryńyzdyń bosaǵasynan syǵalaýǵa ımengen Altyn Ordany eske alyńyzdar. Qazaqtar - Altyn Ordanyń mıraskeri, - dedi avtor.
Sonymen qatar, Vıktor Kalgın Qazaqstandaǵy etnıkalyq orystardyń jaıly ómir súrip jatqanyn, qazaq tiliniń dybystalý zańdylyqtaryn, qazaqsha sálemdesý ádebin sóz etip, ıýtýb pen tık-tok arqyly arzan ataq jınamaýǵa shaqyrdy.
- Jaqyn kúnderde Reseı bıliginiń aýysatynyna senemin. Sol kezde qaıtadan elderińizge oralyp, gúldenýine at salysasyzdar. Ázirge munda jaı ǵana "qonaq" ekenderińizdi esten shyǵarmańyzdar, - dep oıyn túıindedi Vıktor Kalgın.
"Adyrna" ulttyq portaly
