كەشە فۋتبولدان قازاقستان قۇراماسى ءوز الاڭىندا بەلارۋس كومانداسىن جەڭىپ، ۇلتتار ليگاسىندا جەڭىسكە جەتتى. ويىن 2:1 ەسەبىمەن اياقتالدى. ۇلتتىق قۇراما قازاقستان تاريحىندا تۇڭعىش رەت بەلارۋس قۇراماسىن جەڭىپ، ۆ ديۆيزيونىنا شىقتى، دەپ حابارلايدى «ادىرنا» ءتىلشىسى قر مادەنيەت جانە سپورت مينيسترلىگىنە سىلتەمە جاساپ.
بەلارۋس كومانداسىنىڭ قاقپاسىنا گول سالعان ويىنشىلارىمىز: ميحايل گابىشەۆ پەن باحتيەر زاينۋتدينوۆ.
وسىناۋ تاريحي جەڭىسكە بايلانىستى قر مادەنيەت جانە سپورت ءمينيسترى داۋرەن اباەۆ فب پاراقشاسىندا ۇلتتىق قۇراما ويىنشىلارىن قۇتتىقتادى.
«تەگەۋرىندى دايىندىق، تەڭدەسسىز ناتيجە! بۇل – شىن مانىندە قازاقستان فۋتبولىنىڭ جاڭا ءداۋىرى. العا، جىگىتتەر!»،-دەپ جازدى مينيستر.
ايتا كەتەيىك، 22 قىركۇيەكتەن 23 قىركۇيەككە قاراعان ءتۇنى باستالاتىن توپتىڭ تاعى ءبىر ماتچىندا سلوۆاكيا ءوز الاڭىندا ءازىربايجاندى قابىلدايدى. ال، 25 قىركۇيەكتە قازاقستان قۇراماسى باكۋدە ءازىربايجان قۇراماسىمەن وينايدى.
