الەمنىڭ 30 ەلىنىڭ ساراپشىلارى مەن ساياساتكەرلەرى جىل سايىن وتكىزىلەتىن «استانا كلۋبىنىڭ» 4-ءشى وتىرىسىنا قاتىسادى، دەپ حابارلايدى silteme.kz.
12-13 قاراشا كۇندەرى «نازارباەۆ ورتالىعىندا» الەمنىڭ جەتەكشى ساراپشىلارى، ساياساتكەرلەرى مەن ديپلوماتتارىن بىرىكتىرەتىن ساياسي فورۋم فورماتىندا بەدەلدى حالىقارالىق پىكىرتالاس الاڭى - «استانا كلۋبىندا» ءتورتىنشى جىل سايىنعى وتىرىسى وتەدى.
«استانا كلۋبىنىڭ» نەگىزگى ميسسياسى – بۇكىل الەمگە، اسىرەسە ەۋرازيا ايماعىنا اسەر ەتەتىن عالامدىق ۇردىستەردى تالقىلاۋ جانە ماڭىزدى ماسەلەلەردىڭ شەشىمىن تابۋ، سونداي-اق قازاقستاننىڭ سىرتقى ساياسي حابارلامالارىن الەمدىك ساراپشى-ساياسي اۋديتورياعا جەتكىزۋ.
وسى جىلى «استانا كلۋبى» جۇمىسىنا اۆستريا، اۋعانستان، بەلگيا، ەگيپەت، يتاليا، قىرعىزستان، پاكىستان، پولشا، پورتۋگاليا، ۇلىبريتانيا، ءۇندىستان، يندونەزيا، يران، يسپانيا، قىتاي، نورۆەگيا، رەسەي، سەربيا، سلوۆەنيا، حورۆاتيا، اقش، شۆەتسيا جانە جاپونيا سىندى الەمنىڭ 30 ەلىنەن 50-دەن استام سپيكەر قاتىسادى.
فورۋمنىڭ كۇتىلەتىن قوناقتارى اراسىندا بۇرىنعى جانە قازىرگى مەملەكەت جانە ۇكىمەت باسشىلارى، ءىرى ديپلوماتتار، جەتەكشى عىلىمي ورتالىقتارىنىڭ باسشىلارى مەن الەمگە ايگىلى ساراپشىلار بار.
كلۋبتىڭ 4-ءشى وتىرىسى شەڭبەرىندە ساراپشىلاردىڭ جۇمىسى «ۇلكەن ەۋرازياعا بارار جولدا: ورتاق بولاشاقتى قالاي قۇرۋ كەرەك؟» اتتى باستى تاقىرىپ اينالاسىندا جۇرگىزىلەدى. تاقىرىپتى تاڭداۋعا سەبەپشى بولعان ءجايت – ۋشىعىپ كەلە جاتقان ساۋدا جانە سانكتسيالىق سوعىستارعا، ءپوپۋليزمنىڭ وسۋىنە، قاۋىپسىزدىككە تونەتىن جاڭا سىن-تەگەۋرىندەر مەن قاۋىپ-قاتەرلەرگە بايلانىستى الەمدەگى جانە ەۋرازياداعى جاھاندىق ۇدەرىستەر.
ساراپشىلار پايدا بولعان قاراما-قارسىلىق جانە جاڭا گەوساياسي شىندىقتىڭ وبەكتىسى ەمەس، سۋبەكتىسى بولىپ سانالاتىن ورتا مەملەكەتتەردىڭ كۇشەيۋى جانە قالىپتاسىپ كەلە جاتقان كوپ باعىتتىلىق جاعدايىنداعى ەۋرازيانىڭ جاڭا ستراتەگيالىق ساۋلەتىنىڭ كەلەشەگىنە ەرەكشە نازار اۋداراتىن بولادى.
كلۋبتىڭ پانەلدى سەسسياسى بارىسىندا ۇلكەن ەۋرازيانىڭ كەلەشەگىنىڭ ءتۇرلى ستسەناريلەرى، «بەلدەۋ جانە جول» باستاماسىنىڭ، ەۋرازيالىق ەكونوميكالىق وداقتىڭ دامۋ پەرسپەكتيۆالارى، سونداي-اق ورتالىق ازياداعى قازىرگى زامانعى ترانسفورماتسيالىق ۇدەرىستەر قاراستىرىلادى.
وتىرىستىڭ ۇيىمداستىرۋشىلارى: قازاقستان رەسپۋبليكاسى تۇڭعىش پرەزيدەنتى - ەلباسى قورى جانە قر تۇڭعىش پرەزيدەنتى قورى جانىنداعى الەمدىك ەكونوميكا جانە ساياسات ينستيتۋتى.
قازاقستان رەسپۋبليكاسى تۇڭعىش پرەزيدەنتى - ەلباسى قورى جانىنداعى الەمدىك ەكونوميكا جانە ساياسات ينستيتۋتىنىڭ ديرەكتورى ەرجان سالتىباەۆتىڭ ايتۋىنشا: «بۇگىنگى الەمدىك ءتارتىپ «جاھاندانۋدىڭ داعدارىسى» دەگەن ۇعىممەن سيپاتتالادى - حالىقارالىق ينستيتۋتتار مەن ساۋدا كەلىسىمدەرى كۇمان تۋعىزادى، ال جاھاندىق قاۋىپسىزدىككە كوپتەگەن قاقتىعىستار قاۋىپ توندىرەدى. البەتتە رەسمي كەلىسسوز جۇرگىزۋ ادىستەرى تيىمدىلىگى ماردىمسىز، ال حاوستى جەڭۋ ءۇشىن بەيرەسمي ديپلوماتيا قاجەت. سوندىقتان، قازىرگى جاھاندىق سىن-تەگەۋرىندەردى، ىقتيمال تاۋەكەلدەردى باعالاۋ جانە ولارعا قارسى تۇرۋ ءۇشىن شارالاردى قاراستىرۋ - «استانا كلۋبىنىڭ» كۇن ءتارتىبىنىڭ نەگىزگى قۇراۋشى ماسەلەسى بولىپ تابىلادى.
ءبىز جۇمىسىمىزدىڭ اياسىندا حالىقارالىق ىنتىماقتاستىقتى نىعايتۋعا مۇددەلى ءار مەملەكەتتىڭ پىكىرىن تىڭداۋعا مۇمكىندىك بەرەتىن ەلدەر اراسىنداعى اشىق ديالوگتى قۇرۋعا تىرىسامىز.
ايتا كەتسەك، «استانا كلۋبىنىڭ» كوپتەگەن وتىرىستارى «چاتەم حاۋس» ەرەجەلەرىنە سايكەس وتكىزىلەدى، وندا ساراپشىلاردىڭ پىكىرلەرى ءانونيمدى تۇردە جاسىرىلادى. بۇل قاعيدا اشىق جانە سەنىمدى كəسىبي əڭگىمە قۇرۋعا كومەكتەسەدى.
استانا كلۋبىنىڭ ءبىرىنشى كەزدەسۋى 2015 جىلى 8-12 قاراشادا ءوتتى، ءارى «ەۋرازيانىڭ گەوەكونوميكاسى» تاقىرىبى تالقىلاندى. ءىس-شاراعا الەمنىڭ 15 ەلىنەن (ۇلىبريتانيا، گەرمانيا، يران، قىتاي، رەسەي، اقش، تۇركيا جانە ت.ب.) زياتكەرلىك جانە ساياسي ەليتانىڭ 50-گە جۋىق جەتەكشى وكىلدەرى قاتىستى.
2016 جىلدىڭ 14-16 قاراشاسىندا وتكەن كلۋبتىڭ ەكىنشى وتىرىسىندا ەۋرازيالىق كەڭىستىكتەگى الداعى وزگەرىستەردىڭ مۇمكىندىكتەرى مەن كەدەرگىلەرى تالقىلاندى. الەمنىڭ 21 ەلىنەن (ۇلىبريتانيا، گەرمانيا، ءۇندىستان، يران، قىتاي، رەسەي، اقش، تۇركيا، فرانتسيا، جاپونيا جانە ت.ب.) زياتكەرلىك جانە ساياسي ەليتانىڭ وكىلدەرى قاتىستى.
كلۋبتىڭ ءۇشىنشى وتىرىسى 2017 جىلدىڭ 13-14 قاراشاسىندا ءوتتى جانە «ۇلكەن ەۋرازيا - 2027: تەكەتىرەس نەمەسە ارىپتەستىك» ۇرانىمەن ءوتتى، ول الەمنىڭ 27 ەلىنەن كەلگەن قاتىسۋشىلاردى بىرىكتىردى. ولار – اقش، رەسەي، قىتاي، ءۇندىستان، ەۋروپا، تاياۋ شىعىس، ورتالىق جانە وڭتۇستىك-شىعىس ازيانىڭ بەدەلدى ساياسي قايراتكەرلەرى، ديپلوماتتارى، بەلگىلى ساياساتكەرلەرى، بەدەلدى عالىمدارى مەن ءىرى «مي ورتالىقتارىنىڭ» جەتەكشى ساراپشىلارى. كلۋبتىڭ جۇمىسىنا العاش رەت جەتەكشى ساياساتكەرلەر - بۇرىنعى مەملەكەت باسشىلارى ابدۋللا گۇل (تۇركيا), ۆاسلاۆ كلاۋس (چەحيا), دانيلو تيۋرك (سلوۆەنيا) قاتىستى.
