Álemniń 30 eliniń sarapshylary men saıasatkerleri jyl saıyn ótkiziletin «Astana Klýbynyń» 4-shi otyrysyna qatysady, dep habarlaıdy silteme.kz.
12-13 qarasha kúnderi «Nazarbaev ortalyǵynda» álemniń jetekshi sarapshylary, saıasatkerleri men dıplomattaryn biriktiretin saıası forým formatynda bedeldi halyqaralyq pikirtalas alańy - «Astana klýbynda» tórtinshi jyl saıynǵy otyrysy ótedi.
«Astana Klýbynyń» negizgi mıssııasy – búkil álemge, ásirese Eýrazııa aımaǵyna áser etetin ǵalamdyq úrdisterdi talqylaý jáne mańyzdy máselelerdiń sheshimin tabý, sondaı-aq Qazaqstannyń syrtqy saıası habarlamalaryn álemdik sarapshy-saıası aýdıtorııaǵa jetkizý.
Osy jyly «Astana klýby» jumysyna Avstrııa, Aýǵanstan, Belgııa, Egıpet, Italııa, Qyrǵyzstan, Pákistan, Polsha, Portýgalııa, Ulybrıtanııa, Úndistan, Indonezııa, Iran, Ispanııa, Qytaı, Norvegııa, Reseı, Serbııa, Slovenııa, Horvatııa, AQSh, Shveııa jáne Japonııa syndy álemniń 30 elinen 50-den astam spıker qatysady.
Forýmnyń kútiletin qonaqtary arasynda burynǵy jáne qazirgi memleket jáne úkimet basshylary, iri dıplomattar, jetekshi ǵylymı ortalyqtarynyń basshylary men álemge áıgili sarapshylar bar.
Klýbtyń 4-shi otyrysy sheńberinde sarapshylardyń jumysy «Úlken Eýrazııaǵa barar jolda: ortaq bolashaqty qalaı qurý kerek?» atty basty taqyryp aınalasynda júrgiziledi. Taqyrypty tańdaýǵa sebepshi bolǵan jáıt – ýshyǵyp kele jatqan saýda jáne sankııalyq soǵystarǵa, popýlızmniń ósýine, qaýipsizdikke tónetin jańa syn-tegeýrinder men qaýip-qaterlerge baılanysty álemdegi jáne Eýrazııadaǵy jahandyq úderister.
Sarapshylar paıda bolǵan qarama-qarsylyq jáne jańa geosaıası shyndyqtyń obektisi emes, sýbektisi bolyp sanalatyn orta memleketterdiń kúsheıýi jáne qalyptasyp kele jatqan kóp baǵyttylyq jaǵdaıyndaǵy Eýrazııanyń jańa strategııalyq sáýletiniń keleshegine erekshe nazar aýdaratyn bolady.
Klýbtyń paneldi sessııasy barysynda Úlken Eýrazııanyń kelesheginiń túrli senarııleri, «Beldeý jáne jol» bastamasynyń, Eýrazııalyq ekonomıkalyq odaqtyń damý perspektıvalary, sondaı-aq Ortalyq Azııadaǵy qazirgi zamanǵy transformaııalyq úderister qarastyrylady.
Otyrystyń uıymdastyrýshylary: Qazaqstan Respýblıkasy Tuńǵysh Prezıdenti - Elbasy Qory jáne QR Tuńǵysh Prezıdenti Qory janyndaǵy Álemdik ekonomıka jáne saıasat ınstıtýty.
Qazaqstan Respýblıkasy Tuńǵysh Prezıdenti - Elbasy Qory janyndaǵy Álemdik ekonomıka jáne saıasat ınstıtýtynyń dırektory Erjan Saltybaevtyń aıtýynsha: «Búgingi álemdik tártip «jahandanýdyń daǵdarysy» degen uǵymmen sıpattalady - halyqaralyq ınstıtýttar men saýda kelisimderi kúmán týǵyzady, al jahandyq qaýipsizdikke kóptegen qaqtyǵystar qaýip tóndiredi. Álbette resmı kelissóz júrgizý ádisteri tıimdiligi mardymsyz, al haosty jeńý úshin beıresmı dıplomatııa qajet. Sondyqtan, qazirgi jahandyq syn-tegeýrinderdi, yqtımal táýekelderdi baǵalaý jáne olarǵa qarsy turý úshin sharalardy qarastyrý - «Astana Klýbynyń» kún tártibiniń negizgi quraýshy máselesi bolyp tabylady.
Biz jumysymyzdyń aıasynda halyqaralyq yntymaqtastyqty nyǵaıtýǵa múddeli ár memlekettiń pikirin tyńdaýǵa múmkindik beretin elder arasyndaǵy ashyq dıalogti qurýǵa tyrysamyz.
Aıta ketsek, «Astana Klýbynyń» kóptegen otyrystary «Chatem haýs» erejelerine sáıkes ótkiziledi, onda sarapshylardyń pikirleri anonımdi túrde jasyrylady. Bul qaǵıda ashyq jáne senimdi kəsibı əńgime qurýǵa kómektesedi.
Astana klýbynyń birinshi kezdesýi 2015 jyly 8-12 qarashada ótti, ári «Eýrazııanyń geoekonomıkasy» taqyryby talqylandy. Is-sharaǵa álemniń 15 elinen (Ulybrıtanııa, Germanııa, Iran, Qytaı, Reseı, AQSh, Túrkııa jáne t.b.) zııatkerlik jáne saıası elıtanyń 50-ge jýyq jetekshi ókilderi qatysty.
2016 jyldyń 14-16 qarashasynda ótken Klýbtyń ekinshi otyrysynda Eýrazııalyq keńistiktegi aldaǵy ózgeristerdiń múmkindikteri men kedergileri talqylandy. Álemniń 21 elinen (Ulybrıtanııa, Germanııa, Úndistan, Iran, Qytaı, Reseı, AQSh, Túrkııa, Franııa, Japonııa jáne t.b.) zııatkerlik jáne saıası elıtanyń ókilderi qatysty.
Klýbtyń úshinshi otyrysy 2017 jyldyń 13-14 qarashasynda ótti jáne «Úlken Eýrazııa - 2027: Teketires nemese áriptestik» uranymen ótti, ol álemniń 27 elinen kelgen qatysýshylardy biriktirdi. Olar – AQSh, Reseı, Qytaı, Úndistan, Eýropa, Taıaý Shyǵys, Ortalyq jáne Ońtústik-Shyǵys Azııanyń bedeldi saıası qaıratkerleri, dıplomattary, belgili saıasatkerleri, bedeldi ǵalymdary men iri «mı ortalyqtarynyń» jetekshi sarapshylary. Klýbtyń jumysyna alǵash ret jetekshi saıasatkerler - burynǵy memleket basshylary Abdýlla Gúl (Túrkııa), Vaslav Klaýs (Chehııa), Danılo Tıýrk (Slovenııa) qatysty.
