20 جەلتوقسان كۇنى گەرمانيانىڭ ساكسونيا-انحالت فەدەرالدىق ايماعىنداعى ماگدەبۋرگ قالاسىندا قايعىلى وقيعا ورىن الدى، دەپ حابارلايدى “ادىرنا” ۇلتتىق پورتالى.
روجدەستۆولىق جارمەڭكەدە اۆتوكولىك ادامداردى قاعىپ، ەكى ادامنىڭ ءومىرىن قيدى. ونىڭ ءبىرى - كامەلەت جاسقا تولماعان بالا. تاعى 68 ادام ءتۇرلى دارەجەدە جاراقات الدى.
كۋاگەرلەردىڭ ايتۋىنشا، وقيعا ورتالىقتاعى Alter Markt الاڭىندا بولعان. جارمەڭكە اۋماعىنا كوپتەگەن جەدەل جاردەم كولىكتەرى مەن دارىگەرلەر شاقىرتىلىپ، اۋماقتى پوليتسيا قىزمەتكەرلەرى قورشاۋعا العان.
Die Welt باسىلىمىنىڭ مالىمەتىنشە، كولىكتى ساۋد ارابياسىنان كەلگەن 1974 جىلى تۋعان ەر ادام باسقارعان. ول اۆتوكولىكتى جالعا العانى انىقتالدى. سونىمەن قاتار، كولىكتىڭ جولاۋشىلار ورىندىعىندا بەلگىسىز جۇك تابىلعان. ونىڭ جارىلعىش زات ەكەنى ازىرگە راستالمادى.
وقيعاعا بايلانىستى تەرگەۋ امالدارى جۇرگىزىلۋدە. قۇقىق قورعاۋ ورگاندارى وقيعانىڭ سەبەپتەرىن انىقتاپ جاتىر.
