مۇحامەدجان تازابەك الەۋمەتتىك جەلىدە نازارباەۆتىڭ جۇما نامازعا بارعانىنا قاتىستى پىكىر بىلدىرگەن جازباسىن قالدىردى، دەپ حابارلايدى "ادىرنا" پورتالى.
ول جازباسىندا:
"مەشىتتى قۇر سالىپ قانا قويماي، جاماعاتپەن بىرگە جۇماعا كەلىپ، اقساقال بوپ، جاستارعا ۇلگى بەرىپ جاتقان نۇر اعامىزعا اللا رازى بولسىن!
ول كىسىنىڭ باسىنان ءوتىپ جاتقان سىناقتارعا ەردىڭ ەرى عانا سابىر ەتەدى.پاتشا بولماق تۇگىلى ءجاي ادام بوپ ءجۇرىپ، جارتى سوزگە شىداي المايمىز.ەلباسى بوپ ءجۇرىپ، ەستىمەگەن ءسوزى جوق.سابىر قىلدى، تۇسىنىستىكپەن قارادى. وكپەلەپ ەلدەن كەتكەن جوق، قورقىپ قاپ، قولى تۇسكەن جوق.پرەزيدەنتكە قولداۋ جاساپ، قانداي جاعدايدا دا قاسىنان تابىلدى.حرۋششەۆ زامانىندا جاستىعى ءوتىپ، برەجنەۆ زامانىندا اتقا قونىپ، گورباچەۆ تۇسىندا تۇعىردا بولىپ، اتەيزم مەن يمانسىزدىقتىڭ يىرىمىنەن امان شىعۋ - ءار پەندەنىڭ تاعدىرىنا بۇيىرماعان باقىت.كەشە عانا يمانعا كەلگەن كەي عارىپ بۇگىن دىننەن شىعىپ جاتقان زاماندا، نەگاتيۆ مەن ساتقىندىقتىڭ سان ءتۇرىن سىلكىپ تاستاپ، اللاعا عانا ءمىناجات ەتىپ، اللادان عانا ءۇمىت ەتىپ، تەڭدەسسىز مەشىت سالىپ، الدىڭعى قاتاردا مالداس قۇرىپ، اقساقال بوپ جاماعاتتىڭ اجارىن اشىپ كەلۋ - پەندە ءۇشىن ۇلى باقىت!“كۇناسىنەن ارىلۋ ءۇشىن كەلگەن بولار” نەسىنە تاڭ قالاسىڭ دەيتىندەر دە تابىلادى.يا، كىم بولسا دا، كوزىنىڭ تىرىسىندە كۇناسىنە تاۋبە عىپ، اللانىڭ الدىنا تازارىپ بارعانعا نە جەتسىن!قۇدايعا قادام باسامىز دەسەك، مەشىتتى تولتىرىپ، الدىڭعى ساپتا اللا دەپ وتىرامىز دەسەك، قولىمىزدى كىم بايلاپتى، جولىمىزدى كىم جاۋىپتى؟!بابالارىمىزدان قالعان: “پەندەنىڭ كۇناسىن كوپ ايتا بەرمە، كۇناسىن كورسەڭ دە تاۋبەسىن كورگەن جوقسىڭ” دەگەن ءسوز بار…ءبىز رەنجىپ جۇرگەن بىرەۋ اللانىڭ الدىندا بىزدەن ابزال بولۋى مۇمكىن، ءبىز ءتانتى بوپ جۇرگەن بىرەۋ اللانىڭ الدىندا قادىرسىز جان بوپ شىعۋى ابدەن مۇمكىن…“حاننىڭ سىرىن قۇل بىلمەيدى، قۇلدىڭ سىرىن كىم بىلمەيدى!”ساياساتتىڭ جەلى قاي تاۋدان سوعادى، اقپاراتىڭ تىزگىنى كىمنىڭ قولىندا - سونىڭ اتى جۇيرىك، ادامى دانىشپان. قالاسا باسقا ءدىننىڭ باسشىسىنا باس يدىرەدى، قالاسا ءوز بالاڭدى وزەگىنە تەپكىزەدى. الەم تۇتاسىپ كەتكەن، اقپارات شەكاراسى الىنعان، مادەنيەتتەر مي باتپاق بوپ ارالاسقان. مىقتىنىڭ ارتى ديىرمەن تارتىپ، ءالسىزدىڭ جىلىك مايى ۇزىلۋدە…ءوز قادىرىڭدى ءوزىڭ باعالاپ، ءوز جۇرەگىڭە ءوزىڭ يە بولماساڭ، ەشكىم قازاقتىڭ قازانىنا اس سالىپ، قازاناتىن العا وزدىرمايدى.ۇلت ۇستازى احمەت ابىز ايتقانداي: “…مىقتى بولۋ ءۇشىن بىرلىك كەرەك…!”اباي ايتىپ كەتكەن: “جالت بەرگىش، قايتا ويلانعىش، كوتى اينالعىش” ۇرپاقتىڭ سوڭعى ءجۇز جىلدا نەگە جەتكەنىن كوزىمىز كورىپ وتىر.ەندى بۇگىن ەگەمەن ەل بولعاندا “سوزگە ەرگىش، ەكى كۇننىڭ بىرىندە وزگەرگىش” بوپ وتىرعانىمىز ءالى دە قاتتى قارا ءۇزىپ كەتپەگەنىمىزدى كورسەتەدى.نۇر اعانىڭ تاريحي شەشىمدەرى مەن تاسقا جازىلعان يگى ىستەرى كوپ قوي. سونىڭ ەڭ سوڭعىسى تۇعىرىنان تايماي تۇرىپ، ءوز قولىنان تىزگىندى قاسىم- جومارتتاي قادىرلى تۇلعاعا بەرىپ كەتكەنى. ورتاعا قانشا قاراۋلار وت جاقسا دا، بيلىكتى شايقاپ، حالىقتى جايپاپ، تاقتى توڭكەرگىسى كەلسە دە توقاەۆ ءادىل جولىنان تايماي كەلەدى.تۇڭعىش پرەزيدەنتتىڭ تاريحي ءرولىن تومەندەتپەي، ءوزىنىڭ دە قاسقا جولىن قاشاپ سالىپ، قاۋىمعا قىزمەت جاساۋدا.ءبىز كەيدە مىنا قيىرعا نەمەسە اناۋ قيىرعا شالىقتاپ، بىراق شىعامىز. جاقسى كورسەك جولىندا ولگىمىز كەلەدى. جەك كورىپ قالساق، قولىندا ولگىمىز كەلەدى. توقاەۆ پرەزيدەنتىمىز بىزگە تاۋلاردى تەگىستەمەي-اق، دالانى ۇلىقتاۋعا بولاتىن كورسەتىپ كەلەدى. اللا ىسىنە بەرەكە بەرسىن!قانداي جاراسىمدى ءجايت.نۇر اعا ءوز جەرىندە، ءوز ۇيىندە. توقاەۆ اقوردادا.اقساقال جۇمادا، مەشىتتە، توقاەۆ سامارقاندا، سامميتتە…
اللا تاعالا ىنتىماق، بەرەكەمىزدەن اجىراتپاسىن!ەل امان، جۇرت تىنىش بولسىن!" دەپ جازدى تازابەك.
