Muhamedjan Tazabek áleýmettik jelide Nazarbaevtyń juma namazǵa barǵanyna qatysty pikir bildirgen jazbasyn qaldyrdy, dep habarlaıdy "Adyrna" portaly.
Ol jazbasynda:
"Meshitti qur salyp qana qoımaı, jamaǵatpen birge jumaǵa kelip, aqsaqal bop, jastarǵa úlgi berip jatqan Nur aǵamyzǵa Alla razy bolsyn!
Ol kisiniń basynan ótip jatqan synaqtarǵa erdiń eri ǵana sabyr etedi.Patsha bolmaq túgili jáı adam bop júrip, jarty sózge shydaı almaımyz.Elbasy bop júrip, estimegen sózi joq.Sabyr qyldy, túsinistikpen qarady. Ókpelep elden ketken joq, qorqyp qap, qoly túsken joq.Prezıdentke qoldaý jasap, qandaı jaǵdaıda da qasynan tabyldy.Hrýev zamanynda jastyǵy ótip, Brejnev zamanynda atqa qonyp, Gorbachev tusynda tuǵyrda bolyp, ateızm men ımansyzdyqtyń ıiriminen aman shyǵý - ár pendeniń taǵdyryna buıyrmaǵan baqyt.Keshe ǵana ımanǵa kelgen keı ǵarip búgin dinnen shyǵyp jatqan zamanda, negatıv men satqyndyqtyń san túrin silkip tastap, Allaǵa ǵana minajat etip, Alladan ǵana úmit etip, teńdessiz meshit salyp, aldyńǵy qatarda maldas quryp, aqsaqal bop jamaǵattyń ajaryn ashyp kelý - pende úshin uly baqyt!“Kúnásinen arylý úshin kelgen bolar” nesine tań qalasyń deıtinder de tabylady.Iıa, kim bolsa da, kóziniń tirisinde kúnásine táýbe ǵyp, Allanyń aldyna tazaryp barǵanǵa ne jetsin!Qudaıǵa qadam basamyz desek, meshitti toltyryp, aldyńǵy sapta Alla dep otyramyz desek, qolymyzdy kim baılapty, jolymyzdy kim jaýypty?!Babalarymyzdan qalǵan: “Pendeniń kúnásin kóp aıta berme, kúnásin kórseń de táýbesin kórgen joqsyń” degen sóz bar…Biz renjip júrgen bireý Allanyń aldynda bizden abzal bolýy múmkin, biz tánti bop júrgen bireý Allanyń aldynda qadirsiz jan bop shyǵýy ábden múmkin…“Hannyń syryn qul bilmeıdi, quldyń syryn kim bilmeıdi!”Saıasattyń jeli qaı taýdan soǵady, aqparatyń tizgini kimniń qolynda - sonyń aty júırik, adamy danyshpan. Qalasa basqa dinniń basshysyna bas ıdiredi, qalasa óz balańdy ózegine tepkizedi. Álem tutasyp ketken, aqparat shekarasy alynǵan, mádenıetter mı batpaq bop aralasqan. Myqtynyń arty dıirmen tartyp, álsizdiń jilik maıy úzilýde…Óz qadirińdi óziń baǵalap, óz júregińe óziń ıe bolmasań, eshkim qazaqtyń qazanyna as salyp, qazanatyn alǵa ozdyrmaıdy.Ult ustazy Ahmet abyz aıtqandaı: “…Myqty bolý úshin birlik kerek…!”Abaı aıtyp ketken: “Jalt bergish, qaıta oılanǵysh, kóti aınalǵysh” urpaqtyń sońǵy júz jylda nege jetkenin kózimiz kórip otyr.Endi búgin egemen el bolǵanda “sózge ergish, eki kúnniń birinde ózgergish” bop otyrǵanymyz áli de qatty qara úzip ketpegenimizdi kórsetedi.Nur aǵanyń tarıhı sheshimderi men tasqa jazylǵan ıgi isteri kóp qoı. Sonyń eń sońǵysy tuǵyrynan taımaı turyp, óz qolynan tizgindi Qasym- Jomarttaı qadirli tulǵaǵa berip ketkeni. Ortaǵa qansha qaraýlar ot jaqsa da, bılikti shaıqap, halyqty jaıpap, taqty tóńkergisi kelse de Toqaev ádil jolynan taımaı keledi.Tuńǵysh prezıdenttiń tarıhı rolin tómendetpeı, óziniń de qasqa jolyn qashap salyp, qaýymǵa qyzmet jasaýda.Biz keıde myna qıyrǵa nemese anaý qıyrǵa shalyqtap, biraq shyǵamyz. Jaqsy kórsek jolynda ólgimiz keledi. Jek kórip qalsaq, qolynda ólgimiz keledi. Toqaev prezıdentimiz bizge taýlardy tegistemeı-aq, dalany ulyqtaýǵa bolatyn kórsetip keledi. Alla isine bereke bersin!Qandaı jarasymdy jáıt.Nur aǵa óz jerinde, óz úıinde. Toqaev Aqordada.Aqsaqal jumada, meshitte, Toqaev Samarqanda, sammıtte…
Alla Taǵala yntymaq, berekemizden ajyratpasyn!El aman, jurt tynysh bolsyn!" dep jazdy Tazabek.
