Mūhamedjan Tazabek äleumettık jelıde Nazarbaevtyŋ jūma namazǧa barǧanyna qatysty pıkır bıldırgen jazbasyn qaldyrdy, dep habarlaidy "Adyrna" portaly.
Ol jazbasynda:
"Meşıttı qūr salyp qana qoimai, jamaǧatpen bırge jūmaǧa kelıp, aqsaqal bop, jastarǧa ülgı berıp jatqan Nūr aǧamyzǧa Alla razy bolsyn!
Ol kısınıŋ basynan ötıp jatqan synaqtarǧa erdıŋ erı ǧana sabyr etedı.Patşa bolmaq tügılı jäi adam bop jürıp, jarty sözge şydai almaimyz.Elbasy bop jürıp, estımegen sözı joq.Sabyr qyldy, tüsınıstıkpen qarady. Ökpelep elden ketken joq, qorqyp qap, qoly tüsken joq.Prezidentke qoldau jasap, qandai jaǧdaida da qasynan tabyldy.Hruşev zamanynda jastyǧy ötıp, Brejnev zamanynda atqa qonyp, Gorbachev tūsynda tūǧyrda bolyp, ateizm men imansyzdyqtyŋ iırımınen aman şyǧu - är pendenıŋ taǧdyryna būiyrmaǧan baqyt.Keşe ǧana imanǧa kelgen kei ǧarıp bügın dınnen şyǧyp jatqan zamanda, negativ men satqyndyqtyŋ san türın sılkıp tastap, Allaǧa ǧana mınajat etıp, Alladan ǧana ümıt etıp, teŋdessız meşıt salyp, aldyŋǧy qatarda maldas qūryp, aqsaqal bop jamaǧattyŋ ajaryn aşyp kelu - pende üşın ūly baqyt!“Künäsınen arylu üşın kelgen bolar” nesıne taŋ qalasyŋ deitınder de tabylady.İia, kım bolsa da, közınıŋ tırısınde künäsıne täube ǧyp, Allanyŋ aldyna tazaryp barǧanǧa ne jetsın!Qūdaiǧa qadam basamyz desek, meşıttı toltyryp, aldyŋǧy sapta Alla dep otyramyz desek, qolymyzdy kım bailapty, jolymyzdy kım jauypty?!Babalarymyzdan qalǧan: “Pendenıŋ künäsın köp aita berme, künäsın körseŋ de täubesın körgen joqsyŋ” degen söz bar…Bız renjıp jürgen bıreu Allanyŋ aldynda bızden abzal boluy mümkın, bız täntı bop jürgen bıreu Allanyŋ aldynda qadırsız jan bop şyǧuy äbden mümkın…“Hannyŋ syryn qūl bılmeidı, qūldyŋ syryn kım bılmeidı!”Saiasattyŋ jelı qai taudan soǧady, aqparatyŋ tızgını kımnıŋ qolynda - sonyŋ aty jüirık, adamy danyşpan. Qalasa basqa dınnıŋ basşysyna bas idıredı, qalasa öz balaŋdy özegıne tepkızedı. Älem tūtasyp ketken, aqparat şekarasy alynǧan, mädenietter mi batpaq bop aralasqan. Myqtynyŋ arty diırmen tartyp, älsızdıŋ jılık maiy üzılude…Öz qadırıŋdı özıŋ baǧalap, öz jüregıŋe özıŋ ie bolmasaŋ, eşkım qazaqtyŋ qazanyna as salyp, qazanatyn alǧa ozdyrmaidy.Ūlt ūstazy Ahmet abyz aitqandai: “…Myqty bolu üşın bırlık kerek…!”Abai aityp ketken: “Jalt bergış, qaita oilanǧyş, kötı ainalǧyş” ūrpaqtyŋ soŋǧy jüz jylda nege jetkenın közımız körıp otyr.Endı bügın egemen el bolǧanda “sözge ergış, ekı künnıŋ bırınde özgergış” bop otyrǧanymyz älı de qatty qara üzıp ketpegenımızdı körsetedı.Nūr aǧanyŋ tarihi şeşımderı men tasqa jazylǧan igı ısterı köp qoi. Sonyŋ eŋ soŋǧysy tūǧyrynan taimai tūryp, öz qolynan tızgındı Qasym- Jomarttai qadırlı tūlǧaǧa berıp ketkenı. Ortaǧa qanşa qaraular ot jaqsa da, bilıktı şaiqap, halyqty jaipap, taqty töŋkergısı kelse de Toqaev ädıl jolynan taimai keledı.Tūŋǧyş prezidenttıŋ tarihi rolın tömendetpei, özınıŋ de qasqa jolyn qaşap salyp, qauymǧa qyzmet jasauda.Bız keide myna qiyrǧa nemese anau qiyrǧa şalyqtap, bıraq şyǧamyz. Jaqsy körsek jolynda ölgımız keledı. Jek körıp qalsaq, qolynda ölgımız keledı. Toqaev prezidentımız bızge taulardy tegıstemei-aq, dalany ūlyqtauǧa bolatyn körsetıp keledı. Alla ısıne bereke bersın!Qandai jarasymdy jäit.Nūr aǧa öz jerınde, öz üiınde. Toqaev Aqordada.Aqsaqal jūmada, meşıtte, Toqaev Samarqanda, sammitte…
Alla Taǧala yntymaq, berekemızden ajyratpasyn!El aman, jūrt tynyş bolsyn!" dep jazdy Tazabek.
Ūqsas jaŋalyqtar
