تۇڭعىش پرەزيدەنت كۇنى مەملەكەتتىك دەمالىس كۇندەرىنەن الىنىپ تاستالۋى مۇمكىن. ءماجىلىس دەپۋتاتتارى بۇل كۇندى قازاقستاندا مەملەكەتتىك مەرەكە مارتەبەسىنەن ايىرۋدى ۇسىنىپ وتىر، دەپ جازادى "ادىرنا" ءتىلشىسى.
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە كينەماتوگرافيا جانە مادەنيەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىندا وسىنداي تارماق بار. ول 7 قىركۇيەكتە ءماجىلىستىڭ وتىرىسىندا قارالادى.
«1 جەلتوقسان – تۇڭعىش پرەزيدەنت كۇنىن مەرەكەلەۋدى مەملەكەتتىك رامىزدەر كۇنى، العىس ايتۋ كۇنى سياقتى اتاۋلى كۇندەرگە جانە مەملەكەتتىك مەرەكەلەردەن الىپ تاستاپ، الەۋمەتتىك ماڭىزى جوعارى الەۋەتى جوعارى باسقا دا داتالارعا ۇقساس ەتىپ بەلگىلەۋ ۇسىنىلادى»، - دەلىنگەن زاڭ جوباسىندا.
ەسكە سالايىق، 1 جەلتوقساندى مەملەكەتتىك مەرەكە – تۇڭعىش پرەزيدەنت كۇنى رەتىندە بەلگىلەيتىن زاڭ 2011 جىلى جەلتوقساندا قابىلدانعان بولاتىن. بۇل كۇن كەزدەيسوق تاڭدالعان جوق - 1991 جىلى 1 جەلتوقساندا نازارباەۆ العاشقى حالىقتىق سايلاۋدا قازاقستاننىڭ پرەزيدەنتى بولىپ سايلاندى.
"ادىرنا" ۇلتتىق پورتالى
