قر پرەزيدەنتى قاسىم-جومارت توقاەۆتىڭ «حالىق ۇنىنە قۇلاق اساتىن مەملەكەت» تۇجىرىمداماسىنىڭ تالاپتارىنا سايكەس، بۇگىندە ەلىمىزدە بارلىق دەڭگەيدەگى اكىمدەر مەن ولاردىڭ ورىنباسارلارىنا تۇرعىندارمەن تىعىز بايلانىستا جۇمىس ىستەۋ جۇكتەلگەن.
وسىعان وراي، بۇگىن شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان كەزەكتى رەت ازاماتتاردى جەكە ماسەلەلەرى بويىنشا قابىلدادى. بۇل قابىلداۋدى «AMANAT» پارتياسىنىڭ شىمكەنت قالالىق فيليالى جانە شىمكەنت قالاسى اكىمىنىڭ اپپاراتى ۇيىمداستىردى.
قالا اكىمى ءبىرىنشى ورىنباسارىنىڭ قابىلداۋىنا جالپى 10-عا جۋىق ازامات جازىلعان ەكەن. قابىلداۋعا كەلگەن تۇرعىنداردىڭ بىرقاتارى جۇمىسقا ورنالاسۋ، جالاقى قارىزىن ءوندىرۋ ماسەلەلەرى بويىنشا كومەك سۇرادى. سونىمەن قاتار الەۋمەتتىك قولداۋ كورسەتۋ، ءبىلىم بەرۋ مەن مادەنيەت سالالارىن دامىتۋ جونىندەگى ۇسىنىستارىن ورتاعا سالدى.
ش.مۇقان قابىلداۋعا كەلگەن بارلىق ازاماتتاردىڭ سۇراقتارى مەن ۇسىنىستارىن، تالاپ-تىلەكتەرىن مۇقيات تىڭداپ شىقتى. كەيبىر ماسەلەلەردى قۇقىقتىق تۇرعىدا ءتۇسىندىرىپ بەرسە، كەيبىرى جونىندە جاۋاپتى تۇلعالارعا ناقتى تاپسىرمالار بەردى.
شىڭعىس جۇمابەكۇلى قابىلداۋ كەزىندە قوزعالعان بارلىق ماسەلەلەردىڭ زاڭ تالاپتارىنا ساي شەشىلەتىنىن جەتكىزدى.
ايتا كەتەيىك، قالا اكىمىنىڭ ءبىرىنشى ورىنباسارى شىڭعىس مۇقاننىڭ جەكە قابىلداۋى اپتانىڭ ءار جۇما كۇنىندە وتكىزىلەدى.
