Shymkent qalasy ákiminiń birinshi orynbasary kezekti qabyldaýyn ótkizdi

603

QR Prezıdenti Qasym-Jomart Toqaevtyń «Halyq únine qulaq asatyn memleket» tujyrymdamasynyń talaptaryna sáıkes, búginde elimizde barlyq deńgeıdegi ákimder men olardyń orynbasarlaryna turǵyndarmen tyǵyz baılanysta jumys isteý júktelgen.

Osyǵan oraı, búgin Shymkent qalasy ákiminiń birinshi orynbasary Shyńǵys Muqan kezekti ret azamattardy jeke máseleleri boıynsha qabyldady. Bul qabyldaýdy «AMANAT» partııasynyń Shymkent qalalyq fılıaly jáne Shymkent qalasy ákiminiń apparaty uıymdastyrdy.

Qala ákimi birinshi orynbasarynyń qabyldaýyna jalpy 10-ǵa jýyq azamat jazylǵan eken. Qabyldaýǵa kelgen turǵyndardyń birqatary jumysqa ornalasý, jalaqy qaryzyn óndirý máseleleri boıynsha kómek surady. Sonymen qatar áleýmettik qoldaý kórsetý, bilim berý men mádenıet salalaryn damytý jónindegi usynystaryn ortaǵa saldy.


Sh.Muqan qabyldaýǵa kelgen barlyq azamattardyń suraqtary men usynystaryn, talap-tilekterin muqııat tyńdap shyqty. Keıbir máselelerdi quqyqtyq turǵyda túsindirip berse, keıbiri jóninde jaýapty tulǵalarǵa naqty tapsyrmalar berdi.

Shyńǵys Jumabekuly qabyldaý kezinde qozǵalǵan barlyq máselelerdiń zań talaptaryna saı sheshiletinin jetkizdi.

Aıta keteıik, qala ákiminiń birinshi orynbasary Shyńǵys Muqannyń jeke qabyldaýy aptanyń ár juma kúninde ótkiziledi.

 

Pikirler
Redakııa tańdaýy