ايدوس سارىم: "ساياسي ۇستانىمىم التىنبەكپەن ءابسوليۋتتى تۇردە بىردەي"

2405
Adyrna.kz Telegram

      مەملەكەت جانە قوعام قايراتكەرى، جۋرناليست التىنبەك سارسەنبايۇلىنىڭ كوزى ءتىر بولسا، بيىل 60 جاستى القىمدار ەدى. ساياساتكەردىڭ اتىن اسقاقتاتىپ، ەل اراسىنداعى ابىرويىن كورسەتۋ ماقساتىندا قوعامىمىزدا ءتۇرلى ءىس-شارالار وتۋدە. 

وسىعان وراي ا. سارسەنبايۇلىنىڭ زاماندارى ءارى شاكىرتى سانالاتىن قازىرگى ءماجىلىس دەپۋتاتى ايدوس سارىم NEGE پورتالىنىڭ تىلشىلەرىنە سۇحبات بەردى. سۇحباتتا ا. سارىمنىڭ  التىنبەك سارسەنبايۇلىنىڭ اتىنا كوشە، مەكتەپ اتىن بەرۋ قاجەتتىلىگى تۋرالى  ساياسي مالىمدەمە جاساپ، پرەزيدەنتكە دەيىن حات جازعانى، توقاەۆ بيلىگىنىڭ بۇگىنگى جاساپ جاتقان شارۋاسى، "جاڭا قازاقستان" جايلى ايتىلادى. جۋرناليست تاراپىنان قويىلعان كەزەكتى ء"سىزدىڭ قازىرگى ساياسي ۇستانىمدارىڭىز التىنبەكپەن بىردەي مە، الدە بولەك پە؟" دەگەن سۇراققا دەپۋتات:

– ءابسوليۋتتى تۇردە بىردەي. مەنىڭ تاڭعالدىراتىن جانە كۇلكىمدى كەلتىرەتىن جايت: التىنبەكتى ومىردە كورمەگەن، سويلەسپەگەن، ءتىپتى دۇرىس تانىمايتىن ازاماتتاردىڭ ونى تۋ قىلىپ ۇستاپ، سان-ساققا بۇراتىنى. ومىردەگى التىنبەكتەن وزدەرىنىڭ قيالىنداعى التىنبەكتى ءبولىپ شىعارىپ السا جاقسى بولۋشى ەدى، - دەپ جاۋاپ بەرگەن.

قوعامدا التىنبەك سارسەنبايۇلىنىڭ ولىمىنە قاتىستى پىكىر قايشىلىعى كوپ. ءالى كۇنگە دەيىن «قاستاندىققا تاپسىرىس بەرۋشى كىم؟ قانداي ەلگە اينالدىق؟» دەگەن داۋ ءالى تولاستار ەمەس.

دەرەككوز: https://nege.kz/news/science/aidos_sarim_mazhilis_deputati_altinbektin_shakirti_degen_atakti_menen_eshkim_tartip_ala_almaidi_20220912203306

پىكىرلەر