قازاقستاندىق مۇعالىم Apple كومپانياسىنىڭ وقىتۋشىسى اتاندى

724
فوتو: وقۋ-اعارتۋ مينيسترلىگى
فوتو: وقۋ-اعارتۋ مينيسترلىگى

قازاقستاندىق ينفورماتيكا ءپانىنىڭ مۇعالىمى قۋانىش ماعاۋين Swift باعدارلامالاۋ ءتىلى بويىنشا سەرتيفيكاتتالعان Apple وقىتۋشىسى اتاندى. بۇل تۋرالى وقۋ-اعارتۋ مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.

نۇر-سۇلتانداعى رەسپۋبليكالىق فيزيكا-ماتەماتيكا مەكتەبىنىڭ مۇعالىمى قۋانىش ماعاۋين Apple كومپانياسىنىڭ كۋرستارىنان ءوتتى. ەمتيحاندارىن ءساتتى تاپسىرىپ، سەرتيفيكات العان سوڭ، ول Apple-وقىتۋشىسى اتانعان تۇڭعىش قازاقستاندىق مۇعالىم بولدى. 

ەندى ۇستاز Apple Education-ءنىڭ ەكسكليۋزيۆتى شارالارىنا قاتىسا الادى. وندا الەمنىڭ ۇزدىك باعدارلاماشىلارى ءبىلىم سالاسىنداعى جاڭا جوبالارىمەن بولىسەدى. 

"بۇگىنگى تاڭدا قازاقستاندا IT-سالاسى، ونىڭ ىشىندە ءبىلىم سالاسىندا قارقىندى دامۋدا. ءبىز ەلەكتروندى وقۋلىقتار، كۇندەلىكتەر قولدانىپ، ەمتيحاندار مەن وليمپيادالاردى ونلاين فورماتتا وتكىزەتىن ساناۋلى ەلدەردىڭ قاتارىندامىز. Apple كۋرستارىندا بىزگە Swift باعدارلامالاۋ ءتىلىنىڭ كومەگىمەن ءموبيلدى قوسىمشالاردى جاساۋ نەگىزدەرىن ۇيرەتتى. مەنتورلار اعىلشىن تىلىندە ءدارىس وقىدى. مەنىڭ توبىمدا نەگىزىنەن قوسىمشا جاساپ شىعارۋدا مول تاجىريبەسى بار IT-ماماندار وقىدى. مەن توپتاعى جالعىز مۇعالىم ەدىم. بارلىق ەمتيحانداردى ءساتتى تاپسىرىپ، Apple وقىتۋشىسى ستاتۋسىن يەلەنگەنىم ءۇشىن باقىتتىمىن. الداعى ۋاقىتتا مەكتەپتە ءموبيلدى قوسىمشالاردى جاساۋ بويىنشا كۋرس وتكىزىپ، العان تاجىريبەممەن ارىپتەستەرىممەن بولىسسەم دەگەن جوسپارىم بار", – دەدى قۋانىش ماعاۋين.

ايتا كەتەتىن جايت، قۋانىش ماعاۋيننىڭ ارقاسىندا Apple Authorized Training Center for Education ستاتۋسى اۆتوماتتى تۇردە ول قىزمەت ەتەتىن مەكتەپكە دە بەرىلدى. 

ەلورداداعى رەسپۋبليكالىق فيزيكا-ماتەماتيكالىق مەكتەپ Swift app development قوسىمشالارىن جاساۋ بويىنشا كۋرستار وتكىزىپ، وقۋشىلاردى سەرتيفيكاتتاپ، ءبىلىم وشاعى قابىرعاسىندا Apple classroom زەرتحاناسىن اشۋعا قۇقىلى.

“ادىرنا” ۇلتتىق پورتالى

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket