باسقارۋشى ديرەكتور عيبرات اۋعانوۆ باستاعان «سامۇرىق-قازىنا» اق دەلەگاتسياسى اۋىل بالالارىنا باسىمدىق بەرەتىن «IQanat High School of Burabay» مەكتەپ-پانسيوناتى وقۋشىلارىمەن جۇزدەستى.
ول «سامۇرىق-قازىنا» اق كومپانيالار توبى اتىنان «Samruk-Kazyna Trust» قورىنىڭ قولداۋىمەن وقۋعا تۇسكەن جاڭاوزەندىك ونىنشى سىنىپ وقۋشىلارىنا ۇزدىك وقۋ وشاعىندا ءبىلىم الۋ جولىندا ساتتىلىك تىلەپ، ەمەن-جارقىن سۇحبات قۇردى. قۇنى 255 ميلليون تەڭگەنى قۇراعان جوبا اياسىندا گرانتتار وقۋعا، جول جۇرۋگە جانە قاجەتتى مەكتەپ كيىمىن الۋعا بايلانىستى شىعىنداردى جابادى.
«سامۇرىق-قازىنا» ءوز ستراتەگياسىندا ۇرپاق يگىلىگىن قامتاماسىز ەتۋگە مىندەتتەنەدى. قور توبىنا ەلىمىزدىڭ ءوسىپ-وركەندەۋىن قامتاماسىز ەتىپ وتىرعان كوپتەگەن كاسىپورىن قارايتىنى ايان. ونىڭ ىشىندە وزدەرىڭىزگە ىستىق مەكەن جاڭاوزەندەگى «وزەنمۇنايگاز» كومپانياسى دا بار. سوندىقتان، ەگەر وقۋ ۇلگەرىمدەرىڭىز جاقسى بولىپ، سۇرانىسقا يە ماماندىقتاردى يگەرىپ جاتساڭىزدار، مۇناي سالاسىنان دا بولەك ءتۇرلى باعىتتا جەمىستى قىزمەت اتقارا الاتىندارىڭىز داۋسىز»، - دەدى عيبرات قايراتۇلى ءوزىنىڭ دە اۋىلدا تۋىپ-وسكەنىن، جەتىستىكتەرگە ۇمتىلۋدان تالماۋ كەرەكتىگىن اتاپ ءوتىپ.
جاڭاوزەن قالاسىنان 50 وقۋشى بىرنەشە كەزەڭدەگى تەستىلەۋ ارقىلى تاڭدالدى. سونىمەن قاتار، جاڭا وقۋ جىلىندا، جاڭاوزەندەگى كوپبالالى وتباسىلاردان شىققان 177 بالا، «سامۇرىق-قازىنا» اق قولداۋىمەن ەلىمىزدىڭ وزگە وزىق وقۋ ورىندارىنا قابىلداندى.
