Basqarýshy dırektor Ǵıbrat Aýǵanov bastaǵan «Samuryq-Qazyna» AQ delegaııasy aýyl balalaryna basymdyq beretin «IQanat High School of Burabay» mektep-pansıonaty oqýshylarymen júzdesti.
Ol «Samuryq-Qazyna» AQ kompanııalar toby atynan «Samruk-Kazyna Trust» qorynyń qoldaýymen oqýǵa túsken jańaózendik onynshy synyp oqýshylaryna úzdik oqý oshaǵynda bilim alý jolynda sáttilik tilep, emen-jarqyn suhbat qurdy. Quny 255 mıllıon teńgeni quraǵan joba aıasynda granttar oqýǵa, jol júrýge jáne qajetti mektep kıimin alýǵa baılanysty shyǵyndardy jabady.
«Samuryq-Qazyna» óz strategııasynda urpaq ıgiligin qamtamasyz etýge mindettenedi. Qor tobyna elimizdiń ósip-órkendeýin qamtamasyz etip otyrǵan kóptegen kásiporyn qaraıtyny aıan. Onyń ishinde ózderińizge ystyq meken Jańaózendegi «Ózenmunaıgaz» kompanııasy da bar. Sondyqtan, eger oqý úlgerimderińiz jaqsy bolyp, suranysqa ıe mamandyqtardy ıgerip jatsańyzdar, munaı salasynan da bólek túrli baǵytta jemisti qyzmet atqara alatyndaryńyz daýsyz», - dedi Ǵıbrat Qaıratuly óziniń de aýylda týyp-óskenin, jetistikterge umtylýdan talmaý kerektigin atap ótip.
Jańaózen qalasynan 50 oqýshy birneshe kezeńdegi testileý arqyly tańdaldy. Sonymen qatar, jańa oqý jylynda, Jańaózendegi kópbalaly otbasylardan shyqqan 177 bala, «Samuryq-Qazyna» AQ qoldaýymen elimizdiń ózge ozyq oqý oryndaryna qabyldandy.
