اقتاۋلىق پوليتسەيلەر ەكى ازاماتقا زورلىق-زومبىلىق كورسەتكەن كۇدىكتىلەردى ۇستادى. بۇل تۋرالى Polisia.kz حابارلادى، دەپ جازادى "ادىرنا" ۇلتتىق پورتالى.
الەۋمەتتىك جەلىلەردە بەتپەردە تاققان جاستاردىڭ بالتا جانە وزگە دە قۇرالدارمەن ەكى ازاماتقا زورلىق-زومبىلىق كورسەتىپ جاتقان بەينەجازبالار تاراتىلعان.
ەكى فاكتى بويىنشا دا قر قك 293-بابىنىڭ 3-بولىگى بويىنشا قىلمىستىق ءىس قوزعالدى. انىقتالعانداي، ەكى وقيعا دا اقتاۋ قالاسىندا ءارتۇرلى ۋاقىتتا بولعان. پوليتسەيلەر قازىرگى تاڭدا جابىرلەنۋشىلەر مەن ءۇش كۇدىكتىنى انىقتاپ، 16 جانە 21 جاستاعى كۇدىكتىلەردى ۇستادى. تاعى ءبىر كۇدىكتىنى ۇستاۋ بويىنشا جەدەل-ىزدەستىرۋ شارالارى جۇرگىزىلىپ جاتىر، - دەلىنگەن حابارلامادا.
تەرگەۋ امالدارى جۇرگىزىلىپ جاتىر، وقيعالاردىڭ تولىق ءمان-جايى انىقتالۋدا. قىلمىس جاساعان كۇدىكتىلەر ۋاقىتشا ۇستاۋ يزولياتورىنا قامالدى.
"ادىرنا" ۇلتتىق پورتالى
