Aqtaýlyq polıeıler eki azamatqa zorlyq-zombylyq kórsetken kúdiktilerdi ustady. Bul týraly Polisia.kz habarlady, dep jazady "Adyrna" ulttyq portaly.
Áleýmettik jelilerde betperde taqqan jastardyń balta jáne ózge de quraldarmen eki azamatqa zorlyq-zombylyq kórsetip jatqan beınejazbalar taratylǵan.
Eki fakti boıynsha da QR QK 293-babynyń 3-bóligi boıynsha qylmystyq is qozǵaldy. Anyqtalǵandaı, eki oqıǵa da Aqtaý qalasynda ártúrli ýaqytta bolǵan. Polıeıler qazirgi tańda jábirlenýshiler men úsh kúdiktini anyqtap, 16 jáne 21 jastaǵy kúdiktilerdi ustady. Taǵy bir kúdiktini ustaý boıynsha jedel-izdestirý sharalary júrgizilip jatyr, - delingen habarlamada.
Tergeý amaldary júrgizilip jatyr, oqıǵalardyń tolyq mán-jaıy anyqtalýda. Qylmys jasaǵan kúdiktiler ýaqytsha ustaý ızolıatoryna qamaldy.
"Adyrna" ulttyq portaly
